17.01.2026 | 10:51
Լարս ավտոճանապարհը բաց է բոլոր տեսակի տրանսպորտային միջոցների համար
Կանայք այրում են հիջաբներն ու կտրում մազերը․ Իրանում զանգվածային բողոքի ցույցեր են․ ՏԵՍԱՆՅՈՒԹ
Քաղաքականություն
21.09.2022 | 11:11
Արդեն մի քանի օր է Իրանում զանգվածային բողոքի ցույցերը չեն դադարում, գրում է IranWire-ը։ Դրանք սկիզբ են առել ոստիկանական բաժանմունք տեղափոխված 22-ամյա Մախշա Ամինիի մահվան լուրը տարածվելուց հետո։ Աղջկան բերման էին ենթարկել հիջաբը սխալ կրելու համար։ Ցուցարարները բողոքում են ոչ միայն ընդդեմ ոստիկանական բռնությունների, այլև «սխալ» արտաքինի համար կանանց բերման ենթարկելու հնարավորության։
Ամինիի հայրենի քաղաքում՝ Սակկեզայում, հուղարկավորության օրը՝ սեպտեմբերի 17-ին, հարյուրավոր մարդիկ դուրս են եկել փողոց։
A young woman without a headscarf is pictured on the frontline of nationwide protests in Iran sparked by the death of #MahsaAmini, 22, following her arrest by morality police over "improper hijab".#مهسا_امینی pic.twitter.com/duSusm5bL8
— Shayan Sardarizadeh (@Shayan86) September 20, 2022
Ի նշան բողոքի՝ կանայք հանել են իրենց գլխաշորերը, այրել դրանք։
از بچه های دهه هشتاد گرفته تا خانومای هفتاد ساله..این قشنگ بود برام🖤#مهسا_امینی #گرگان pic.twitter.com/tL2oeZtp6b
— vanilla (@Geborgenheiitt) September 20, 2022
22-ամյա Մախշա Ամինին Իրանական Քրդստանից Թեհրան էր եկել հարազատներին տեսակցելու։ Սեպտեմբերի 13-ին, երբ աղջիկը եղբոր՝ Քիարաշի հետ դուրս է եկել մետրոյի գնացքից, նրան բերման են ենթարկել ոստիկանություն՝ հիջաբը «սխալ» կրելու համար։ Եղբորը խոստացել են, որ Մախշային «վերակրթելուց» հետո ազատ կարձակեն, սակայն նա որոշել է նրանց հետևից գնալ ոստիկանություն։ Այնտեղ նա տեսել է կալանավորված աղջիկների մի քանի տասնյակ հարազատներին։ Նրանք սկսել են թակել ոստիկանական բաժանմունքի դռները, բայց նրանց մահակներով ցրել են։ Ավելի ուշ կանայք սկսել են դուրս վազել այնտեղից՝ բղավելով, որ ինչ-որ մեկին սպանել են։ Ինչպես պարզվել է, Ամինին գլխի վնասվածք է ստացել ոստիկանական բռնությունների հետևանքով և մահացել հիվանդանոցում։
کرمان – مردم دیگر از مزدوران خامنهای نمیترسند
بینید لباس شخصی نفوذی در بین مردم که سعی دارد یکی از معترصان را دستگیر کند#IranProtests pic.twitter.com/JW06ZSHPdE
— cheshm_abi (@chawshin_83) September 20, 2022
Բողոքի ցույցերը երկրում շարունակվում են. Արևմտյան Ադրբեջանի և Քրդստանի նահանգների որոշ քաղաքներում համընդհանուր գործադուլ են հայտարարել։ Միաժամանակ ուժայինները դաժանորեն ճնշում են բողոքի ցույցերը։ Նրանք ցուցարարների դեմ օգտագործում են ոչ միայն հատուկ տեխնիկա, այլև մարտական զենք։ Հաղորդվում է զոհերի և վիրավորների մասին։
Տաթև Ֆռանգյան
