Թուրքիայի և ԱՄՆ-ի հարաբերությունները պաշտպանական արդյունաբերությունում ցանկալի մակարդակի վրա չեն․ Էրդողանը դժգոհել է

Նյու Յորքում գտնվող Թուրքիայի նախագահ Ռեջեփ Թայիփ Էրդողանն ամերիկյան PBS-ին տված հարցազրույցում անդրադարձել է մի շարք թեմաների, այդ թվում՝ ԱՄՆ-ի ու ԵՄ-ի հետ հարաբերություններին։ Այս մասին գրում է Անադոլու գործակալությունը։

«Ցավոք, Եվրամիությունը մեզ չի ընդունում արդեն 52 տարի: Եվրամիությունում չկա մեկ այլ երկիր, որը կհայտնվեր մեր վիճակում։ Նրանք դեռևս շարունակում են շեղել մեզ։ Միաժամանակ, մենք ՆԱՏՕ-ի անդամ ենք։ Չնայած մենք ՆԱՏՕ-ի անդամ ենք՝ դաշինքի երկրները ևս մեզ շեղում են։ Մենք ՆԱՏՕ-ի հնգյակում ենք աջակցության առումով։ Մենք նման դիրք ունենք ՆԱՏՕ-ում»,- ասել է Էրդողանը՝ նշելով, որ դրա համար Թուրքիան այլ ուղիներ է փնտրում, և մտադիր չէ ԵՄ-ի առաջ հաշվետու լինել։

Նա նաև հայտարարել է, որ թուրք-ամերիկյան հարաբերությունները պաշտպանական արդյունաբերության ոլորտում ցանկալի մակարդակի վրա չեն։

«Մենք պետք է ռազմական արդյունաբերությունը լավ մակարդակի հասցնենք։ Սակայն կա F-16-ների խնդիրը։ Մենք գնել ենք ձեզանից F-16-ներ և պետք է շարունակենք գնել։ Սակայն այստեղ երկու բարեկամանական երկրների համար սխալ է քաղաքական մոտեցումներով որոշումներ կայացնելն ու շարունակելը պատժամիջոցներ կիրառել Թուրքիայի դեմ F-16-ների հետ կապված։ Վերջերս նախագահ Բայդենը խոստացավ ինձ լուծել այդ խնդիրը։ Ես գիտեմ, որ Ջո Բայդենը դրան դրական է նայում։ Մենք նաև բանակցություններ ենք ունեցել Հանրապետականների հետ, և նրանք ասել են, որ դրական են վերաբերվում։ Իսկ ի՞նչ քայլ ենք անելու, եթե չստանանք ԱՄՆ-ից դրական արդյունք։ Մեր քայլեր ենք անելու»,- հայտարարել է Թուրքիայի նախագահը։

Էմմա Չոբանյան