06.11.2024 | 11:33
Մակրոնն ու Տոկաևն իրենց աջակցությունն են հայտնել ՀՀ-Ադրբեջան խաղաղության պայմանագրի արագ ստորագրմանը
ՌԴ ԱԳՆ-ն ողջունել է Թուրքիայի ու Սիրիայի բանակցությունների գաղափարը
Քաղաքականություն
19.09.2022 | 20:15
Մոսկվան սատարում է Թուրքիայի և Սիրիայի ԱԳ նախարարների հանդիպման կազմակերպման գաղափարը և պատրաստ է անհրաժեշտության դեպքում հարթակ տրամադրել։ Այս մասին ՌԻԱ Նովոստիին ասել է ՌԴ փոխարտգործնախարար Միխայիլ Բոգդանովը։
«Իհարկե, մենք կարծում ենք, որ հանդիպումը օգտակար կլիներ։ Խոսքը շփումների հաստատման մասին է, հիմա դրանք դեռ զինվորականների ու հատուկ ծառայությունների մակարդակով են։ Մենք դրանց աջակցում ենք, խրախուսում ենք հանդիպել, գտնել ընդհանուր հայտարար իրենց դիրքորոշումներում»,- ասել է Բոգդանովը։
Նա նշել է, որ Մոսկվան հանդես է գալիս Անկարայի և Դամասկոսի միջև հարաբերությունների կարգավորման օգտին։
«Եթե նրանք ընդունեն, մենք միշտ պատրաստ ենք ընդունել, բնական է։ Քանի՞ հանդիպումներ են կազմակերպվել տարբեր մակարդակներով և տարբեր ձևաչափերով։ Մենք միշտ պատրաստ ենք ցուցաբերել մեր օգնությունը»,- հավելել է ՌԴ ԱԳ փոխնախարարը։
Էմմա Չոբանյան
