09.10.2026 | 15:35
Երևանում սպասվում են կարճատև անձրևներ
Թուրքիայի և ԱՄՆ-ի միջև չկա որևէ խնդիր, որը չկարողանանք լուծել որպես ռազմավարական գործընկերներ․ Էրդողան
Քաղաքականություն
19.09.2022 | 23:05
Թուրքիայի նախագահ Ռեջեփ Թայիփ Էրդողանը Նյու Յորքի Rockefeller Plaza գրասենյակում թուրք-ամերիկյան ազգային համակարգող կոմիտեի (TASC) կազմակերպած ընթրիքի ժամանակ մի շարք հայտարարություններով է հանդես եկել, գրում է Անադոլու գործակալությունը։
Նա նշել է, որ չկա ոչ մի խնդիր, որը Թուրքիան և Միացյալ Նահանգները չկարողանան լուծել՝ որպես երկու հզոր ռազմավարական գործընկերներ և դաշնակիցներ արդեն 70 տարի շարունակ։ Էրդողանը նաև ընդգծել է Թուրքիայի դերակատարությունը ՆԱՏՕ-ում՝ որպես 5 ամենակարևոր դաշնակիցներից մեկի։
«Թուրքիայի դիրքորոշումը պետք է լավ ըմբռնվի, լավ հայտնի լինի, իսկ որոշումներն էլ համապատասխան են ձեռնարկվում»,-ասել է Էրդողանը։
Նա նշել է, որ չնայած Թուրքիայի ազգային անվտանգությանն առնչվող հարցերում առկա տարաձայնություններին՝ Անկարան և Վաշինգտոնը դեռ ունեն ընդհանուր դիրքորոշում տարածաշրջանային և գլոբալ բազմաթիվ խնդիրների վերաբերյալ։ Էրդողանն ասել է, որ հարցերից մեկը, որում Անկարան և Վաշինգտոնն ունեն սերտ համագործակցություն, ուկրաինական ճգնաժամն է։
Էմմա Չոբանյան
