07.08.2026 | 17:34
Սարիգյուղում գազանջատում կլինի
Ինտենսիվ ռմբակոծում էին Նորավանը, խփել են շտապօգնության մեքենային․ նախկին ղեկավար․ ՏԵՍԱՆՅՈւԹ
Հասարակություն
15.09.2022 | 23:19
Factor TV-ի նկարահանող խումբն այսօր այցելել է Սյունիքի մարզի մի շարք համայնքներ և տեղում արձանագրել Ադրեջանի ագրեսիայի հետևանքով քաղաքացիական ենթակառուցվածքներին ու բնակելի տներին հասցված վնասները։
Մեր նկարահանման պահին Գորիս քաղաքում իրավիճակը հանգիստ էր, կրակոցներ չէին հնչում։ Մինչդեռ երեկ Սոթքից մինչև Գորիս Ադրբեջանի զինուժը շարունակել է հրթիռակոծությունը` կիրառելով ԱԹՍ-ներ:
Ադրբեջանական կողմը թիրախավորում է նաև քաղաքացիական բնակավայրերը: Երեկ թշնամու կրակոցների հետևանքով Սյունիքի մարզի Նորավան համայնքում 30-ամյա խաղաղ բնակիչ է զոհվել: Նորավանի նախկին ղեկավարը մեզ հետ զրույցում պատմեց, որ վերջինը օգնել է դուրս բերել վիրավորներին, հենց այդ ժամանակ Ադրբեջանի ԶՈՒ-ն հարվածել է շտապօգնության մեքենային։ Ադրբեջանի սանձազերծած ագրեսիայի հենց առաջին օրից Նորավանը ինտենսիվ ռմբակոծվել է, վնասվել է գազի խողովակը, ճանապարհի երթևեկելի հատվածը, գյուղը հոսանքազրկվել է։ Խաղաղ բնակչության շրջանում կա մեկ վիրավոր։
Մանրամասները՝ տեսանյութում։
Արփի Հակոբյան
