08.06.2026 | 14:09
Ընտրություններից հետո հնարավոր սրման մասին հայտարարած անձը ձերբակալվել է
Ընդունում եմ ինձ հայտարարված նկատողությունը․ Աղազարյան․ ՏԵՍԱՆՅՈՒԹ
Քաղաքականություն
15.09.2022 | 15:49
«Ընդունում եմ ինձ հայտարարված նկատողությունը, որովհետև Դուք շարժվեցիք ԱԺ կանոնակարգի համաձայն՝ ապահովելով ԱԺ կանոնակարգված աշխատանքը»,- ԱԺ ամբիոնից ելույթ ունենալիս, դիմելով ԱԺ փոխնախագահ Հակոբ Արշակյանին, ասաց «Քաղաքացիական պայմանագիր» խմբակցության պատգամավոր Հովիկ Աղազարյանը։
«Բայց ես պետք է խնդրեմ, որ Դուք այդպիսի հետևողականություն ունենաք նաև այլ դեպքերում։ Մասնավորապես՝ երբ որ մեր գործընկերները հերթագրվում էին ելույթ ունենալու համար, Գեղամ Մանուկյանը այստեղ չէր և չէր հերթագրվել, հետևաբար ձայնի իրավունք չպետք է ունենար»,- նշեց պատգամավորը։
Հակոբ Արշակյանն արձագանքեց․ «Այստեղ էր, քարտուղարությունից էլ ճշտել ենք և կանոնակարգին հետևել ենք։ Ապատեղեկատվություն եք տարածում, տեղյակ չեք»։
Նշենք, որ ԱԺ-ում «Հայաստան» խմբակցության պատգամավոր Գեղամ Մանուկյանի ելույթի ժամանակ իրավիճակը լարվեց: Մինչ այդ Գեղամ Մանուկյանին ելույթի հնարավորություն չէին տալիս, դահլիճում սկսեց վիճաբանություն, տեղից սկսեց մեկնաբանություններ անել Հովիկ Աղազարյանը: Նիստը վարող ԱԺ փոխնախագահ Հակոբ Արշակյանը նկատողություն տվեց Աղազարյանին ու զգուշացրեց, որ հաջորդ ելույթի ժամանակ կզրկվի ձայնի իրավունքից: Ի վերջո, Գեղամ Մանուկյանին հրավիրեցին ամբիոնի մոտ:
Մանրամասները՝ տեսանյութում։
