20.11.2024 | 20:18
Արևմուտքի հետ լարվածության ֆոնին Պուտինը դադարել է ներկայանալ հանրությանը
Ստեփանակերտում այսօր հանրահավաք է տեղի ունեցել
Քաղաքականություն
15.09.2022 | 14:43
Ստեփանակերտի Վերածննդի հրապարակում այսօր՝ սեպտեմբերի 15-ին, վերսկսվել է նախօրեին մեկնարկած հանրահավաքը, հաղորդում է «Արցախպրես»-ը։ Հավաքին մասնակցել են դպրոցականներ և ուսուցիչներ, հիմնարկ-ձեռնարկությունների աշխատակիցներ:
Հանրահավաքին ներկա էր Արցախի Հանրապետության Ազգային ժողովի նախագահ Արթուր Թովմասյանը։ Նա հանդես է եկել ելույթով՝ հայտարարելով, որ Արցախի ժողովրդի փոխարեն ոչ ոք իրավունք չունի միանձնյա որևէ փաստաթուղթ ստորագրել՝ Արցախի կարգավիճակի վերաբերյալ, որը դեմ է Արցախի շահերին: Խորհրդարանի ղեկավարը ներկայացրել է Հանրապետության նախագահի նախօրեին արած հայտարարությունը՝ վերահաստատելով, որ անընդունելի են բոլոր այն փաստաթղթերը, որոնք կարող են Արցախը ճանաչել Ադրբեջանի կազմում:
Հայտարարվել է, որ հանրահավաքը շարունակվելու է այսօր երեկոյան՝ ժամը 19:00-ին:
