16.01.2026 | 22:53
Հայաստանի մի շարք հասցեներում էլեկկտրաէներգիայի անջատումներ կլինեն
Ասում են՝ գնացեք պատգամավորի ձեռներից քաշեք, բերեք, պարտադրեք՝ ստորագրի․ Վլադիմիր Վարդանյան․ ՏԵՍԱՆՅՈՒԹ
Քաղաքականություն
15.09.2022 | 12:58
«Երեկվա իրադարձությունները ևս մեկ անգամ ապացուցեցին մի հայտնի ճշմարտություն՝ ինչքան փխրուն է և միաժամանակ ինչքան ամուր է ժողովրդավարությունը, ինչքան մարտահրավերներ կան ժողովրդավարության առջև, և ինչքան հնարավորություններ կան այդ մարտահրավերները հաղթահարելու: ԱԺ ամբիոնից այս մասին նշեց ԱԺ պետաիրավական հարցերի հանձնաժողովի նախագահ Վլադիմիր Վարդանյանը՝ անդրադառնալով երեկ տեղի ունեցած բողոքի ակցիաներին։
«Այսօր լուսացավ, և մենք նորմալ եկանք աշխատանքի, առանց խղճի խայթի և առանց որևէ եղանակով ինքներս մեզ մեղադրելու: Ցավոք, մարտի 1-ին այդպես չէր: Կարո՞ղ էր կրկնվել. այո, եթե չլիներ ժողովրդավարություն, անկեղծություն, թափանցիկություն»,- նշեց պատգամավորը։
Վարդանյանն անդրադարձավ նաև փողոց դուրս եկած մարդկանց գործողություններին:
«Ասում են՝ գնացեք պատգամավորի ձեռներից քաշեք, բերեք, պարտադրեք՝ ստորագրի․․․ Հավատացած եմ, երեկ փողոց դուրս եկած մարդկանց ճնշող մեծամասնությունն անկեղծ էր. ցավը շատ մեծ է, ծանր է, հասկանանք իրար: Ամեն մեկս բարեկամ, ընկեր, սիրելի է կորցրել: Մարդիկ էմոցիաների տակից չեն կարողանում դուրս գալ․․․
Այլ բան է, որ որոշ մարդիկ փորձում են այդ ամենը համակարգել:
Ես սիրում եմ այն մարդկանց, ովքեր երեկ հայտնվել էին այնտեղ, որովհետև իրենք կարողացան մեր ընդդիմադիր գործընկերներին վերադարձնել այնտեղ, որտեղ նրանք պետք է լինեին»,- նշեց Վարդանյանը՝ կոչ անելով հանդուրժող լինել միմյանց նկատմամբ։
Մանրամասները՝ տեսանյութում։
