09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Լարված իրավիճակ ԱԺ-ում. ՔՊ-ականներն ու ընդդիմադիրները փոխադարձ վիրավորանքներ են հնչեցնում․ ՏԵՍԱՆՅՈՒԹ
Քաղաքականություն
15.09.2022 | 12:16
ԱԺ-ում «Հայաստան» խմբակցության պատգամավոր Գեղամ Մանուկյանի ելույթի ժամանակ իրավիճակը լարվեց:
Նա իր ելույթում նշեց, որ «իշխանության քաղաքականության ամբողջական փլուզումն է, որ բերել է այս ավերին»։
«Երեկ ԱԺ ամբիոնից Նիկոլ Փաշինյանի կողմից հնչել է մի արտահայտություն, որ ինչ–որ թուղթ եթե ստորագրի, մարդիկ կարող են քննադատել և ասել «դավաճան»։ Լսե՛ք, մի պահ անդրադարձե՛ք, որ այդ պիտակը հետո ամեն մեկիդ կպնելու է»,-դիմելով իշխանական գործընկերներին՝ նշեց Գեղամ Մանուկյանը։
Իրավիճակը ԱԺ դահլիճում լարվեց։ ՔՊ պատգամավորները սկսեցին բղավել, նիստը վարող ԱԺ փոխնախագահ Հակոբ Արշակյանը փորձեց հանդարտեցնել կրքերը, հորդորեց լռել և սառնասրտություն պահպանել։
Երբ Մանուկյանը հայտարարեց, որ ստեղծված իրավիճակի լուծումը մեկն է` նոր իշխանություն, նոր կառավարություն, նոր վարչապետ, իշխանական պատգամավորները դարձյալ բորբոքվեցին։
«Նիկոլին փրկելու ժամը չէ, հայրենիքը փրկելու ժամն է»։ Այս հայտարարությունից հետո Գեղամ Մանուկյանը հեռացավ ամբիոնից։
ԱԺ դահլիճում կրքերը չհանդարտվեցին: Հնչում էին վիրավորանքներ։
ԱԺ փոխնախագահ Հակոբ Արշակյանը ընդմիջում հայտարարեց և փորձեց դահլիճից դուրս ուղեկցել ընդդիմադիր պատգամավոր Գեղամ Մանուկյանին և Ագնեսա Խամոյանին։
Մանրամասները՝ տեսանյութում։
