24.03.2026 | 11:58
Ապրիլի 1-ից կբարձրանան խնամքի կենտրոնների աշխատակիցների աշխատավարձերը. Արսեն Թորոսյան
Հայաստան-Ադրբեջան սահմանին ՀԱՊԿ ուժերի կիրառման մասին խոսք չկա․ ՀԱՊԿ միացյալ շտաբի ղեկավար
Քաղաքականություն
15.09.2022 | 12:45
Հայաստանի և Ադրբեջանի սահմանին ՀԱՊԿ ուժերի կիրառման մասին խոսք չկա, կազմակերպությունը հակամարտության խաղաղ լուծման հույս ունի։ Այս մասին ասել է ՀԱՊԿ միացյալ շտաբի ղեկավար Անատոլի Սիդորովը, փոխանցում է ՌԻԱ Նովոստին։
«Եկեք առաջ չընկնենք, միայն ուզում եմ ասել, որ սեպտեմբերի 13-ին մեր պետությունների ղեկավարները միաձայն հայտարարեցին, որ այս խնդիրը, որն այսօր առկա է Հայաստանի և Ադրբեջանի միջև, պետք է լուծվի քաղաքական և դիվանագիտական մեթոդներով»,- ասել է Սիդորովը՝ պատասխանելով լրագրողի հարցին՝ արդյո՞ք Հայաստանի և Ադրբեջանի սահմանին խաղաղապահ զորակազմ ուղարկելու ծրագրեր կան։
«Ռազմական ուժի կիրառումը, անգամ ՀԱՊԿ-ի ներգրավմամբ, ո՜չ սեպտեմբերի 13-ին, ո՜չ երեկ, ո՜չ այսօր․․․ Կարծում եմ՝ մոտ ապագայում բացառված է»,- ընդգծել է նա։
Սիդորովը նշել է, թե կողմերը պայմանավորվել են հրադադարի շուրջ։
«Մենք հուսով ենք, որ գործընթացները կշարունակվեն կարգավորվել խաղաղ ճանապարհով, առանց զենքի և ուժի կիրառման»,- հավելել է նա։
Տաթև Ֆռանգյան
