15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Պետական հեղաշրջման փորձ էր․ երեկվա եղածը լուրջ կազմակերպված գործողություն էր․ Պապոյան․ ՏԵՍԱՆՅՈՒԹ
Քաղաքականություն
15.09.2022 | 11:35
«Երեկ երեկոյան Ազգային ժողովի շենքի մոտ տեղի ունեցածը հեղաշրջման փորձ էր, շատ լուրջ կազմակերպված գործողություն», – ԱԺ նիստում այս տեսակետը հայտնեց «Քաղաքացիական պայմանագիր» խմբակցության պատգամավոր Գևորգ Պապոյանը։
«Երեկ Հայաստանում հերթական մեդիատեռորը տեղի ունեցավ, որի զոհը ՀՀ քաղաքացին և ՀՀ-ն էր։ Իմ գնահատմամբ՝ նման բան կարող են իրականացնել նաև թշնամական օտարերկրյա գործակալական ցանցերը, որովհետև այն, ինչ երեկ տեղի ունեցավ, ուղղակիորեն հարված էր ՀՀ բանակին, դրա մարտունակությանը և ժողովրդին։ Այն, ինչ տեղի ունեցավ երեկ, նոյեմբերի 9-ի կրկնության փորձ էր, շատ պարզ եղանակով՝ կատարել հեղաշրջում երկրում, գրավել պետական կառույցները, ուժով զավթել իշխանությունը։ Սա այլ քաղաքական գնահատական չի կարող ունենալ։ Բայց հերթական անգամ այդ շրջանակները, նրանց սնուցող շրջանակները համոզվեցին, որ մեր ժողովուրդն իրապես ամեն ինչ շատ լավ տեսնում է։ Սա կազմակերպված էր, Երևանից մարդկանց զանգում էին մարզեր, ասում էին՝ հողերը հանձնել են, թուղթը ստորագրած ա, եկեք ավտոներով հասեք Երևան։ Մարդկանց մոլորեցնում էին, որ գան Բաղրամյան պողոտա, անեն գործողություններ, որոնք հակաիրավական ու հակասահմանադրական են»,- նշեց պատգամավորը։
Նրա խոսքով՝ երեկ երեկոյան տեղի ունեցածը պետության դեմ երկրորդ ճակատ բացելու գործողություն էր․ «Եթե մեր զինվորներն ու սպաները հավատային ընդդիմադիր որոշ շրջանակների կողմից դաշտ նետված թեզին, ապա նրանք միանշանակ թևաթափ էին լինելու, մենք մեր սահմաններում ունենալու էինք լրջագույն խնդիրներ․․․
Փառք Աստծո բանակը մնաց իր սահմանադրական պարտականությունների շրջանակներում և այդ պարտականությունները կատարում է փայլուն կերպով։»։
Մանրամասները՝ տեսանյութում։
