20.11.2024 | 20:18
Արևմուտքի հետ լարվածության ֆոնին Պուտինը դադարել է ներկայանալ հանրությանը
Զաքիր Հասանովն արդեն երկրորդ անգամ Թուրքիայի ՊՆ ղեկավարի հետ քննարկել է Հայաստանի հետ սահմանին իրավիճակը
Քաղաքականություն
15.09.2022 | 12:30
Ադրբեջանի պաշտպանության նախարար Զաքիր Հասանովը հինգշաբթի իր թուրք գործընկեր Հուլուսի Աքարի հետ հեռախոսով քննարկել է Հայաստանի հետ սահմանին իրավիճակը․ սա երկու երկրների պաշտպանական գերատեսչությունների ղեկավարների միջև մեկ շաբաթվա ընթացքում երկրորդ զրույցն է։ Այս մասին հայտնում է Ադրբեջանի ՊՆ մամուլի ծառայությունը։
«Հեռախոսազրույցի ընթացքում մտքերի հանգամանալից փոխանակում է տեղի ունեցել ադրբեջանա-հայկական պետական սահմանին տիրող իրավիճակի շուրջ։ Հասանովն Աքարին մանրամասն տեղեկացրել է Հայաստանի հետ սահմանին տիրող օպերատիվ իրավիճակի մասին»,- ասվում է հաղորդագրության մեջ։
Նախարարների նախորդ հեռախոսազրույցը տեղի է ունեցել սեպտեմբերի 13-ին։ Այն ժամանակ Հասանովը տեղեկացրել է սահմանին տեղի ունեցած բախման մասին, Աքարն իր հերթին ցավակցություն է հայտնել ադրբեջանցի զինծառայողների մահվան կապակցությամբ, իսկ վիրավորներին մաղթել շուտափույթ ապաքինում։
Տաթև Ֆռանգյան
