18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
ՀԱՊԿ գլխավոր քարտուղարը ծրագրում է Հայաստան այցելել հաջորդ շաբաթ
Քաղաքականություն
14.09.2022 | 19:03
Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Ստանիսլավ Զասը ծրագրում է հաջորդ շաբաթ մեկնել Հայաստան։ Այս մասին ՏԱՍՍ-ին հայտնել է ՀԱՊԿ մամուլի քարտուղար Վլադիմիր Զայնետդինովը։
«ՀԱՊԿ ղեկավար Ստանիսլավ Զասը ծրագրում է հաջորդ շաբաթ մեկնել Հայաստան»,- ասել է նա։
Զայնետդինովը հավելել է, որ սեպտեմբերի 15-ին Հայաստան կմեկնի ՀԱՊԿ առաքելության առաջապահ խումբը՝ կազմակերպության միացյալ շտաբի պետ, գեներալ-գնդապետ Անատոլի Սիդորովի գլխավորությամբ։
«ՀԱՊԿ-ում սկսել են իրագործել 2022 թվականի սեպտեմբերի 13-ին Հավաքական անվտանգության խորհրդի արտահերթ նիստում ձեռք բերված պայմանավորվածությունները՝ Հայաստանի Հանրապետություն ՀԱՊԿ առաքելություն ուղարկելու վերաբերյալ՝ գնահատելու Հայաստանի և Ադրբեջանի սահմանին որոշ տարածքներում առկա իրավիճակը և նախապատրաստելու մանրամասն հաշվետվություն կազմակերպության անդամ երկրների ղեկավարների համար»,- ասել է մամուլի խոսնակը։
Էմմա Չոբանյան
