20.11.2024 | 18:30
Կարինե Քոչարը՝ Ռուբեն Քոչարի մեղադրանքների մասին
Թշնամին ևս 10 քառ․ կմ օկուպացրել է մեր երկրից․ Փաշինյան․ ՏԵՍԱՆՅՈւԹ
Քաղաքականություն
14.09.2022 | 18:57
Ադրբեջանական կողմը եթե նախորդ տարվա մայիսի 12-ին 40 քկմ տարածք է օկուպացրել մեր երկրից, ապա այս պահի դրությամբ ևս 10 քառակուսի կմ են օկուպացրել: Կառավարության հետ հարցուպատասխանի ժամանակ ԱԺ-ում հայտարարեց վարչապետ Նիկոլ Փաշինյանը։
«ՀՀ տարածք թշնամին ներխուժել է, դա փաստ է, և մեր ԶՈւ–ն աշխատում է այդ ներխուժումը վերացնելու ուղղությամբ։ Ագրեսիա է տեղի ունեցել, և մենք էլ ասում ենք, որ դա չենք ընդունելու։ Ագրեսորը պետք է դուրս գա մեր տարածքից»,- նշեց Փաշինյանը։
Վարչապետի խոսքով՝ ՀՀ իշխանությունը չի ասում ՀՀ-ն պրոբլեմ չունի, այլ ասում է, որ ՀՀ-ն ունի անվտանգային և գոյաբանական խնդիր և մյուս կողմից՝ ասում է՝ պետք է գնանք այդ հարցերի կարգավորմանը
«Ես ինձ վրա վերցրել եմ պատասխանատվություն՝ գնալ ծանր որոշումների՝ հանուն խաղաղության։ Բայց ծանր որոշումներ չի նշանակում ՀՀ պետական շահերին հակասող որոշումներ։ Մենք այդ որոշումների պետք է գնանք՝ երաշխավորելու Հայաստանի Հանրապետության անվտանգությունը, տևական կայունությունն ու խաղաղությունը։ Մենք չենք կարող այսօր վերնագրերի ներքո գրենք «խաղաղության պայմանագիր», տակը ստորագրենք, որի արդյունքում 6 ամիս հետո նոր պատերազմ կսկսվի։ Մենք ուզում ենք ստորագրել մի թուղթ, որի արդյունքում լիքը մարդ մեզ կքննադատի, լիքը մարդ կհայհոյի, լիքը մարդ «դավաճան» կասի, նույնիսկ կարող է՝ ժողովուրդը որոշի մեզ իշխանությունից հեռացնի։ Էլի գոհ ու շնորհակալ կլինենք, եթե դրա արդյունքում Հայաստանի Հանրապետությունը 29 հազար 800 քառակուսի կմ տարածքով ստանա տևական խաղաղություն և անվտանգություն։ Այն որոշումը, որ սա ապահովելու է, ես, շատ հստակ ասում եմ, ստորագրելու եմ։ Ինձ չի հետաքրքրում հետո ինչ կլինի ինձ հետ, ինձ հետաքրքրում է՝ ինչ կլինի հետո Հայաստանի հետ»,- նշեց Փաշինյանը։
Նա գոհունակություն հայտնեց, որ ՀՀ-ում կա խորհրդարանական մեծամասնություն, որը հնարավորություն է տալիս, որ ինքն այդ պատասխանատվությունը կրի։
Մանրամասները՝ տեսանյութում։
