ՀՔԱՎ-ը հավաքագրում է անհայտ կորած և գերեվարված անձանց տվյալները՝ նրանց և նրանց ընտանիքների իրավունքների պաշտպանությանն աջակցելու նպատակով

Հելսինկյան քաղաքացիական ասամբլեայի Վանաձորի գրասենյակը կարևորում է անհայտ կորած անձանց ընտանիքների՝ իրենց հարազատների ճակատագրի, գտնվելու վայրի, կորչելու հանգամանքների վերաբերյալ տեղեկություններ ստանալու իրավունքի ապահովումը․ տեղեկացնում են  ՀՔԱՎ-ից։

«Եվ ելնելով պետության՝ իր քաղաքացիների կյանքի, առողջության եւ անվտանգության ապահովման եւ դրանց վերաբերյալ հանրային պատշաճ իրազեկման պարտականությունից՝ համապատասխան պետական միջազգային մարմինների հետ աշխատանքներ կատարելու և գործընթացին նպաստելու նպատակով սկսում է հավաքագրել 2022 թ․ սեպտեմբերի 13-ին և դրանից հետո ՀՀ նկատմամբ Ադրբեջանի հարձակման հետևանքով անհայտ կորած և գերեվարված անձանց տվյալները։

44-օրյա պատերազմի ընթացքում ևս բազմաթիվ զինծառայողների ճակատագրի, գտնվելու մասին նրանց հարազատները ժամանակին և անհրաժեշտ տեղեկություններ չէին կարողանում ստանալ։ Թեժ մարտական գործողությունների ընթացքում նման տեղեկությունները հաճախ հնարավոր չի լինում ձեռք բերել։ Սակայն ամեն մի քաղաքացու` իր հարազատի ճակատագրի մասին իրազեկվածությունը, տեղեկությունների ստացման իրավունքը պետք է երաշխավորված լինի։

Այս տեղեկությունների հիման վրա ՀՔԱՎ-ը նախաձեռնում է գործընթացներ՝ տեղեկությունները փոխանցելով միջազգային կառույցներին, գերիների դեպքում՝ փաստերի հիման վրա դիմում Մարդու իրավունքների եվրոպական դատարան։ Ինչն էլ նպաստում է գերիների վերադարձի գործընթացին»,- ասված  է հաղորդագրությունում։

Բոլոր այն քաղաքացիները, որոնք իրենց հարազատի գտնվելու վայրի կամ ճակատագրի մասին չունեն տեղեկություններ խնդրում ենք այդ մասին հայտնել ՀՔԱ Վանաձորի գրասենյակին հետեւյալ կոնտակտներով․

Արթուր Սաքունց

[email protected]

Անի Չատինյան (ՀՔԱ Վանաձորի գրասենյակ, Վանաձոր)

093819275

[email protected]

Սամսոն Գալստյան (ՀՔԱՎ Երևանի ներկայացուցչություն)

041102324

[email protected]

Արմինե Սադիկյան (ՀՔԱ Վանաձորի գրասենյակ, Վանաձոր)

093339441

[email protected]

Նազելի Մովսեսյան (ՀՔԱ Վանաձորի գրասենյակ, Վանաձոր)

093111615

[email protected]