15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Հակառակորդի արկից Գորայքի հովիվը գլխի վնասվածք է ստացել
Հասարակություն
14.09.2022 | 16:08
Ադրբեջանական ուժերի հրետակոծությունից այսօր գլխի շրջանում վիրավորում է ստացել Գորայքի սարերից անասուններին իջեցնող Սյունիքի մարզի Տեղ գյուղի բնակիչը։
Ինչպես Factor.am-ի հետ զրույցում ասաց Տեղի գյուղապետ Դավիթ Ղուլունցը՝ վիրավորումը եղել է հակառակորդի արկի պայթյունից. «Գորայքի սարերից անասուններին իջեցրել է, հետո, երբ գնացել է մեքենայի հետևից, ադրբեջանցիները սկսել են կրակել են, ինչի հետևանքով վնասվել է մեր համագյուղացու գլուխը։ Նրան տեղափոխել են «Սիսիան» ԲԿ, որտեղ վիրահատել են, ուշքի է եկել, ինչից հետո տեղափոխել են Երևան»,- ասաց Ղուլունցը:
Անդրադառնալով գյուղում տիրող իրավիճակին, գյուղապետը նշել է, որ թեև ինտենսիվությունը զգալիորեն թուլացել է, սակայն հիմա էլ պարբերաբար հնչում են կրակոցներ։
Ռոզա Վարդանյան
