16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Կարևոր չէ՝ որ հոդվածով ենք դիմել ՀԱՊԿ-ին. Արման Եղոյան․ ՏԵՍԱՆՅՈՒԹ
Քաղաքականություն
14.09.2022 | 12:36
«ՀԱՊԿ անդամ յուրաքանչյուր երկրի տարածքի նկատմամբ ագրեսիան ՀԱՊԿ-ը պետք է դիտարկի որպես իր սեփական տարածքի նկատմամբ ագրեսիա և արձագանքի համապատասխանաբար։ Թե ինչպիսին է ՀԱՊԿ արձագանքը, ես չեմ ցանկանա պերճախոս գնահատական տալ»,- ԱԺ–ում լրագրողների հետ ճեպազրույցում, մեկնաբանելով Հայաստանի դիմումին ՀԱՊԿ արձագանքը, ասաց ՔՊ պատգամավոր, Եվրոպական ինտեգրման հարցերի մշտական հանձնաժողովի նախագահ Արման Եղոյանը։
Հիշեցնենք՝ Երեկ ՀԱՊԿ Հավաքական անվտանգության խորհրդի նիստ է կայացել, որը գումարվել է Հայաստանի խնդրանքով։ Որոշվել է կազմակերպության գլխավոր քարտուղար Ստանիսլավ Զասի գլխավորությամբ առաքելություն ուղարկել Հայաստան՝ իրավիճակը գնահատելու և պետությունների ղեկավարների համար զեկույց պատրաստելու նպատակով:
Մեկնաբանելով 2021թ․ հունվարին Ղազախստան ՀԱՊԿ խաղաղապահ զորք ուղարկելու նախադեպը՝ Եղոյանը նշեց․ «Ղազախստանում այլ շահեր էին, Հայաստանում` այլ։ Միջազգային հարաբերություններում պետությունները, միջազգային կառույցները գործում են իրենց շահերին համապատասխան»։
Հարցին, թե Հայաստանը ՀԱՊԿ–ին պայմանագրի ո՞ր կետով է դիմել` 2-րդ, թե՞ 4-րդ, Եղոյանը չպատասխանեց` առաջարկելով հարցն ուղղել Անվտանգության խորհրդին և հավելեց․ «Բայց դա էական չէ, թե որ հոդվածով ենք դիմել»։
Մանրամասները՝ տեսանյութում։
