20.11.2024 | 18:19
Ռուսական ինքնաթիռից 250 կգ-անոց ռումբն ընկել է ՌԴ Բելգորոդի շրջանի դպրոցի վրա
Հակամարտությունը չունի ռազմական լուծում․ Ռիքերը՝ Ալիևին
Քաղաքականություն
14.09.2022 | 12:52
ԵԱՀԿ Մինսկի խմբի ամերիկացի համանախագահ, Կովկասյան բանակցությունների հարցերով ավագ խորհրդական, դեսպան Ֆիլիպ Ռիքերը նախօրեին Բաքվում հանդիպել է Ադրբեջանի նախագահ Իլհամ Ալիևին։
Ադրբեջանում ԱՄՆ դեսպանատան տարածած հաղորդագրության համաձայն՝ Ռիքերը վերահաստատել է Վաշինգտոնի հանձնառությունը՝ խթանելու Հարավային Կովկասի տարածաշրջանի անվտանգ, կայուն և խաղաղ ապագան:
«Նա ընդգծել է պետքարտուղար Բլինքենի հայտարարությունը, որ հակամարտությունը չունի ռազմական լուծում, և կոչ է արել Ադրբեջանին ու Հայաստանին ակտիվացնել իրենց դիվանագիտական ներգրավվածությունը և հասնել համապարփակ խաղաղության համաձայնագրի»,- ասվում է հաղորդագրության մեջ։
Այօսր Ֆիլիպ Ռիքերն այցելել է Շեհիդների պուրակ՝ հարգանքի տուրք մատուցելու։
Հիշեցնենք, որ Հայաստան կատարած այցի ընթացքում Ֆիլիպ Ռիքերն այցելել էր Ծիծեռնակաբերդ՝ հարգանքի տուրք մատուցել Հայոց ցեղասպանության զոհերի հիշատակին։
Էմմա Չոբանյան
