18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Ուկրաինական բանակը Խերսոնի մոտակայքում նոր հաջողությունների մասին է հայտարարել
Քաղաքականություն
13.09.2022 | 17:52
Ուկրաինան հայտարարել է հարավում 12 կիլոմետր առաջխաղացման մասին։ Ազատագրվել է 13 բնակավայր և ավելի քան 500 քառակուսի կիլոմետր օկուպացված տարածք, հայտարարել է Ուկրաինայի զինված ուժերի գեներալ Դմիտրի Մարչենկոն, գրում է BBC-ի ռուսական ծառայությունը։
«Վերջին երկու շաբաթվա ընթացքում սպանվել է ավելի քան 1800 ռուս զինվոր, խոցվել է երկու ինքնաթիռ և երկու ուղղաթիռ, ավելի քան 120 տանկ, ավելի քան 130 հրետանային համակարգ, ոչնչացվել է ավելի քան 20 բազմակի հրթիռային կայան, կամուրջներ, 150 ՌԴ հրամանատարական կետ, զինամթերքի մոտ 70 պահեստ»,- հայտարարել է Մարչենկոն։
Գլխավոր հետախուզության վարչության տվյալներով՝ Խերսոնի ուղղությամբ ռուս սպայակազմը բարոյապես շատ ընկճված է, ասել է գեներալը։
«Ինչպես մեզ հայտնի է՝ նրանց հրաման է տրվել ոչ թե կրակ բացել, այլ բանակցել ուկրաինացի զինվորականների հետ և ազատագրել օկուպացված տարածքները»,- հավելել է նա։
Տարածքների ազատագրման նախօրեին ելույթ էր ունեցել նաև «Հարավ» օպերատիվ հրամանատարության մամուլի քարտուղար Նատալյա Գումենյուկը։
«Վերջին երկու շաբաթվա ընթացքում մեր առաջընթացը բավականին համոզիչ է: Մենք տարբեր տարածքներում առաջ ենք անցել չորսից մինչև մի քանի տասնյակ կիլոմետր: Կան ազատագրված տարածքներ՝ մոտ 500 քառակուսի կիլոմետր»,- ասել է Գումենյուկը:
Տաթև Ֆռանգյան
