08.06.2026 | 13:50
WTA. Էլինա Ավանեսյանը մեծ առաջընթաց է գրանցել դասակարգման աղյուսակում
Մեր դիմումի կապակցությամբ տեղի է ունենում ՀԱՊԿ մշտական խորհրդի նիստ. Նիկոլ Փաշինյան․ ՏԵՍԱՆՅՈՒԹ
Քաղաքականություն
13.09.2022 | 12:17
Մեր դիմումի կապակցությամբ այժմ ՀԱՊԿ նիստ է տեղի ունենում։ Ազգային ժողովում իր ելույթի ժամանակ հայտարարեց ՀՀ վարչապետ Նիկոլ Փաշինյանը։
«Այն պահից սկսած, երբ հայտնի է դարձել ադրբեջանական կողմի հարձակումների մասին, անվտանգության խորհրդի նիստ է տեղի ունեցել, որը տևել է մինչև լուսաբաց։ Նիստին մասնակցել է ՀՀ նախագահը, ԱԺ նախագահը, և որոշում ենք կայացրել դիմել ՀԱՊԿ–ին։ Մեր դիմումի կապակցությամբ այժմ տեղի է ունենում ՀԱՊԿ մշտական խորհրդի նիստ»,- նշեց Փաշինյանը։
Վարչապետը հայտնեց նաև, որ դիմել են նաև Ռուսաստանի Դաշնությանը՝ 1997 թվականի բարեկամության և փոխօգնության պայմանագրի հիման վրա, նաև որոշում են կայացրել դիմել ՄԱԿ–ի Անվտանգության խորհրդին, որպեսզի իրավիճակը հրատապության կարգով քննարկվի։
Բացի դրանից՝ Փաշինյանը գիշերվա ընթացքում հեռախոսազրույցներ է ունեցել ՌԴ-ի, Ֆրանսիայի, Իրանի նախագահների հետ, ԱՄՆ պետքարտուղարի և ԵՄ նախագահի հետ։
Մանրամասները՝ տեսանյութում։
