01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Չավուշօղլուն ու Բայրամովը հեռախոսազրույց են ունեցել
Քաղաքականություն
13.09.2022 | 11:27
Թուրքիայի Ագ նախարար Մևլութ Չավուշօղլուն ու Ադրբեջանի ԱԳ նախարար Ջեյհուն Բայրամովը հեռախոսազրույց են ունեցել։ Այս մասին Չավուշօղուն հայտնել է թվիթերյան իր գրառմամբ, գրում է Անադոլուն։
Չավուշօղլուն նշել է, որ Բայրամովի հետ քննարկել են «Հայաստանի ու Ադրբեջանի սահմանին նոր սրումը»։ Ըստ Թուրքիայի ԱԳ նախարարի՝ «Հայաստանը պետք է հրաժարվի սադրանքներից ու կենտրոնանա խաղաղ բանակցությունների ու համագործակցության վրա՝ Ադրբեջանի հետ պայմանավորվածությունների շրջանակում»։
Հիշեցնենք՝ սեպտեմբերի 13-ի ժամը 08։00-ի դրությամբ իրադրությունը հայ-ադրբեջանական սահմանին էական փոփոխություններ չի կրել. տեղեկացնում է ՀՀ ՊՆ խոսնակը։ Հակառակորդը շարունակում է Վարդենիսի, Սոթքի, Արտանիշի, Իշխանասարի, Գորիսի և Կապանի ուղղություններով կիրառել հրետանային միջոցներ, ականանետեր, ԱԹՍ-ներ և խոշոր տրամաչափի հրաձգային զինատեսակներ՝ թիրախավորելով թե՛ ռազմական, և թե՛ քաղաքացիական ենթակառուցվածքները։ Սահմանի որոշ հատվածներում դիրքային մարտերը նույնպես շարունակվում են, հակառակորդը չի դադարեցնում առաջխաղացման փորձերը։
Էմմա Չոբանյան
