03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Մարտերը շարունակվում են․ ՀՀ-ն դիմել է ՌԴ-ին, ՄԱԿ ԱԽ-ին, ՀԱՊԿ-ին․ Արցախի շտաբի հորդորը․ Լուրեր
Քաղաքականություն
13.09.2022 | 10:46
- Հայաստանի արևելյան սահմանին Ադրբեջանի ԶՈւ սկսված մարտական գործողությունները առավոտյան ժամը 08։00-ի դրությամբ շարունակվել են։ ՊՆ խոսնակ Արամ Թորոսյանը հայտնել է, որ Հակառակորդը շարունակում է Վարդենիսի, Սոթքի, Արտանիշի, Իշխանասարի, Գորիսի և Կապանի ուղղություններով կիրառել հրետանային միջոցներ, ականանետեր, ԱԹՍ-ներ և խոշոր տրամաչափի հրաձգային զինատեսակներ՝ թիրախավորելով թե՛ ռազմական, և թե՛ քաղաքացիական ենթակառուցվածքները։ Սահմանի որոշ հատվածներում դիրքային մարտերը նույնպես շարունակվում են, հակառակորդը չի դադարեցնում առաջխաղացման փորձերը։
- Հայաստանի կառավարությունից հայտնել են, որ Հայաստանի տարածքի նկատմամբ Ադրբեջանի սկսած ագրեսիայի առնչությամբ Կառավարությունն արդեն դիմել է ՌԴ-ին, ՄԱԿ-ի Անվտանգության խորհրդին և ՀԱՊԿ-ին։
- Արցախի շփման գծում էական միջադեպեր այս ընթացքում չեն արձանագրվել։ Արցախի տեղեկատվական շտաբից հորդորել են այս ընթացքում Ստեփանակերտ-Երևան երթևեկել միայն խիստ անհրաժեշտության պարագայում:
Այս ժամի լուրերը՝ տեսանյութում։
