Ռուսաստանի և ԵՄ երկրների միջև դյուրացված վիզային ռեժիմը դադարել է գործել

Երկուշաբթի՝ սեպետեմբերի 12-ին ուժի մեջ է մտել Ռուսաստանի հետ վիզային ռեժիմի դյուրացման համաձայնագիրը կասեցնելու՝ ԵՄ Խորհրդի որոշումը, ինչի արդյունքում ռուսների համար շենգենյան վիզաների տրամադրման պայմաններն ու ժամկետները կփոխվեն, գրում է Ինտերֆաքսը։

Այսպիսով, փաստաթղթերի քննարկման և վիզաների տրամադրման ժամկետներն այժմ կկազմեն առնվազն 15 օր, որոշ դեպքերում՝ մինչև 45 օր։ Վիզայի վճարը 35-ից դարձել է 80 եվրո, 6-12 տարեկան երեխաների համար՝ 35-ից 40 եվրո։

Բացի այդ, կավելանա վիզաների կենտրոն կամ հյուպատոսություն ներկայացնելու համար անհրաժեշտ փաստաթղթերի քանակը։ Շենգենյան երկրների հյուպատոսությունները կարող են լրացուցիչ փաստաթղթեր պահանջել դիմորդներից, այդ թվում՝ վիզայի դիմումների ստանդարտ ցուցակում չներառվածները:

Եվրահանձնաժողովը կոչ է արել երկրներին մանրակրկիտ ստուգել Ռուսաստանի քաղաքացիների դիմումները և նրանց տրամադրել Շենգենյան վիզա՝ մեկանգամյա կարճ ուղևորությունների համար:

«Եթե քաղաքացին դիտվում է որպես անդամ պետություններից որևէ մեկի հասարակական կարգի, ներքին անվտանգության կամ միջազգային հարաբերությունների համար սպառնալիք, ապա այս դեպքում վիզան պետք է մերժվի անհատական գնահատման հիման վրա, ինչպես նաև երկրները պետք է հրաժարվեն վիզայից։ Երկրները պետք է դիմողին մերժեն վիզա տրամադրել նաև այն դեպքում, եթե կասկածներ կան, որ նա կլքի ԵՄ-ն վիզայի վավերականության ժամկետից հետո»,- մանրամասնել է Եվրահանձնաժողովը։

Տաթև Ֆռանգյան