15.04.2026 | 15:20
Կալանքը շատ հաճախ կիրառվում է որպես ճնշման միջոց, եբեմն տեսանելի չի` ինչպես է հիմնավորվում. Հարությունյան․ ՏԵՍԱՆՅՈՒԹ
2021-ին ազդարարման 75 դեպք է եղել, 70-ը՝ անանուն․ փոխնախարարը վիճակագրություն ներկայացրեց․ ՏԵՍԱՆՅՈՒԹ
Հասարակություն
12.09.2022 | 12:02
Ազգային ժողովը քննարկում է «Ազդարարման համակարգի մասին» և մի շարք այլ օրենքներում առաջարկվող փոփոխությունները: Նախատեսվում է հստակեցնել ազդարարներին տրվող պաշտպանության մեխանիզմները:
«Ազդարարման համակարգի մասին» օրենքում կառավարության առաջարկած փոփոխության համաձայն՝ հնարավոր կոռուպցիոն հանցագործության մասին քաղաքացին իրավունք ունի նաև անանուն տեղեկացնել համապատասխան պետական մարմնին։
«Հատկապես շեշտադրումը կդնենք անանունության հանգամանքի վրա, որպեսզի մարդիկ կարողանան իրենց պաշտպանված զգալ»,- ասաց ՀՀ արդարադատության նախարարի տեղակալ Երանուհի Թումանյանցը:
Նախագիծն ԱԺ-ում բուռն քննարկման արժանացավ։
Արդարադատության փոխնախարար Երանուհի Թումանյանցը բուռն քննարկմանն արձագանքեց պաշտոնական վիճակագրության թվերով։ Նրա հավաստմամբ՝ 2019թ–ին ՀՀ գլխավոր դատախազությունը կոռուպցիայի մասին 188 ահազանգ է ստացել, որից 153-ը` անանուն, 2020թ–ին ստացված 140 ազդարարումներից անանուն են եղել 119–ը, 2021–ին` 75-ից անանուն են եղել 70-ը։
Հատկանշական է, որ ստացված ահազանգերից 3 տարվա ընթացքում միայն 16-ով են հարուցվել քրեական գործեր. 2019-ին` 5 դեպքով, 2020-ին` 1, 2021-ին` 10 դեպքով։
Մանրամասները՝ տեսանյութում։
