17.01.2026 | 18:34
Մահացել է դերասանուհի Զառա Արամյանը
Բաքուն չի մեկնաբանում Լավրովի՝ հայ-ադրբեջանական հարաբերությունների կարգավորման հարցով հատուկ ներկայացուցչի Ադրբեջան այցը
Քաղաքականություն
09.09.2022 | 18:56
Ադրբեջանի ԱԳՆ-ն չի մեկնաբանում ՌԴ ԱԳ նախարարի՝ Հայաստանի և Ադրբեջանի հարաբերությունների կարգավորման հարցով հատուկ ներկայացուցիչ, ԵԱՀԿ Մինսկի խմբի ռուսաստանցի համանախագահ Իգոր Խովաևի այցը Բաքու։
Հիշեցնենք, որ նախօրեին ՌԴ ԱԳՆ պաշտոնական ներկայացուցիչ Մարիա Զախարովան հայտնել էր, որ Բաքվում է Լավրովի ներկայացուցիչ Իգոր Խովաևը։ Զախարովան նշել էր, որ առաջիկայում նա այցելելու է նաև Երևան։
Ադրբեջանի ԱԳՆ-ն, սակայն, ոչինչ չի հաղորդում Խովաևի այցի, հադիպումների և բանակցությունների մասին։
Ադրբեջանական «Թուրան»-ը փորձել է տեղեկատվություն ստանալ Բաքվում ՌԴ դեսպանատնից, ինչպես նաև Ադրբեջանի ԱԳՆ-ից Խովաևի այցի ու ծրագրի մասին, սակայն անարդյունք։
Ի դեպ, տարածաշրջանային այցով այժմ Երևանում է ԵԱՀԿ Մինսկի խմբի ԱՄՆ համանախագահ Ֆիլիպ Ռիքերը։ Նա նաև այցելելու է Բաքու և Թբիլիսի։
Էմմա Չոբանյան
