Քաղաքականություն
09.09.2022 | 16:52
ԱՄՆ պետքարտուղար Էնթոնի Բլինքենը Բրյուսել կատարելիք այցի ընթացքում մտադիր է ՆԱՏՕ-ի դաշնակիցների հետ քննարկել Զապորոժիեի ԱԷԿ-ի շուրջ իրավիճակը և պարենային գործարքը, գրում է ՌԻԱ Նովոստին։
«Բրյուսելում ես հնարավորություն կունենամ ՆԱՏՕ-ի դաշնակիցներին և այլ գործընկերներին ներկայացնելու այն, ինչի մասին տեղեկացել եմ Ուկրաինայում, և աշխատել նրանց հետ մի շարք հարցերի շուրջ, որոնք հուզում են բոլորին՝ սկսած Զապորոժիեի տարածաշրջանում և նրա շուրջ ստեղծված իրավիճակից, համոզվելու համար, որ ձեռք բերվածը (պարենային գործարքը) պահպանվում է»,- ասել է Բլինքենը Լեհաստանում։
Բացի այդ, նա նշել է, որ մտադիր է քննարկել Ուկրաինայի անվտանգության ապահովման, ինչպես նաև տնտեսական ու հումանիտար աջակցության հարցերը։
Էմմա Չոբանյան
