Հակակոռուպցիոն կոմիտեն ձեռնաշղթաներ չունի․ ծառայողներն այսուհետ կկարողանան զենք կիրառել

ՀՀ արդարադատության նախարարությունն Իրավական ակտերի նախագծերի հրապարակման միասնական e-draft.am կայքում հանրային քննարկման է ներկայացրել «Հակակոռուպցիոն կոմիտեի մասին» ՀՀ օրենքում փոփոխություններ և լրացումներ կառարելու մասին օրենքի նախագիծը։

Նախագծով «Հակակոռուպցիոն կոմիտեի մասին» ՀՀ օրենքում նախատեսվում է ամրագրել ՀՀ հակակոռուպցիոն կոմիտեի ծառայողների կողմից ֆիզիկական ուժի, հատուկ միջոցների զենքի կիրառման, օգտագործման պայմանները և կարգը:

«Զենքի, ֆիզիկական ուժի, հատուկ միջոցների կիրառման թույլտվություն՝ Հակակոռուպցիոն կոմիտեի ծառայողներին․ որքանո՞վ է օրինաչափ» թեմայով այսօր հրավիրված քննարկման ժամանակ Հակակոռուպցիոն կոմիտեի Իրավական ապահովման վարչության պետ Էմմա Ավագյանը պարզաբանեց․ «Հակակոռուպցիոն կոմիտեի ծառայողներն ունեն զենք կրելու իրավունք, սակայն առկա է օրենսդրական բաց։ Հակակոռուպցիոն կոմիտեի ծառայողներն ունեն հաշվեցուցակային ծառայողական զենք կրելու, նաև օպերատիվ հետախուզական գործունեություն իրականացնելու իրավունք, «Զենքի մասին օրենքն» ուսումնասիրելով՝ պարզ է դառում, որ օպերատիվ ծառայողական միջոցառում իրականացնելիս հակակոռուպցիոն կոմիտեի ծառայողները կարող են մարտական  զենք կրել։ «Զենքի մասին օրենքի նախագիծ է շրջանառվում, որով հակակոռուպցիոն կոմիտեն դառնալու է ռազմականացված կառույց։ Փաստացի օրենսդիրը հակակոռուպցիոն կոմիտեի ծառայողներին զենք կրելու իրավունք է տվել, սակայն չկան օրենսդրական կարգավորումներ, թե որ դեպքերում կարող են կիրառել։

Մեր նախագիծն ուղղված է այդ կարգավորումները սահմանելուն և սահմանափակումները հստակեցնելուն։ Օրինակ՝ Հակակոռուպցիոն կոմիտեն ձեռնաշղթաներ չունի, բայց լինելով օպերատիվ ծառայողական միջոցառում իրականացնող կառույց, պետք է ունենա ձեռնաշղթաներ և այլ հատուկ միջոցներ կիրառելու իրավունք»։

Մանրամասները՝ տեսանյութում։