02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Շառլ Միշելը ողջունել է հայ ռազմագերիների վերադարձը
Քաղաքականություն
09.09.2022 | 12:45
Եվրոպական խորհրդի նախագահ Շառլ Միշելը ողջունել է Բաքվի կողմից հինգ հայ ռազմագերիների՝ Հայաստանին հանձնումը։ Այս մասին նա գրառում է արել թվիթերյան իր էջում։
«Ողջունում եմ Բաքվի կողմից կալանավորված 5 հայերի վերադարձը, որը հետևում է օգոստոսի 31-ի բրյուսելյան քննարկումներին։ Հանձնումն առաջին անգամ տեղի է ունենում երկկողմ ձևաչափով, ինչը Հայաստանի և Ադրբեջանի ձեռքբերումն է։ Հումանիտար խնդիրների լուծումը հիմնական առաջնահերթությունն է»,- գրել է Միշելը։
Հավելենք, որ ՀՀ ԱԱԾ-ն նախօրեին տեղեկացրել էր, որ Ադրբեջանը Հայաստանին 5 ռազմագերու է փոխանցել, որոնցից 4-ը Գյումրիից են, մեկը՝ Վանաձորից։
Էմմա Չոբանյան
