Քաղաքականություն
08.09.2022 | 19:24
Ռուսաստանցիներին սկսել են զանգվածաբար արգելել մուտք գործել Վրաստանի տարածք։ Այս մասին գրում է «Մեդուզան»։
Հարավային Կովկասում «Ազատ Ռուսաստան» հիմնադրամի տնօրեն Եգոր Կուրոպտևը հրատարակությանն ասել է, որ Վրաստանը մի քանի շաբաթ առաջ է խստացրել սահմանային հսկողությունը ռուսաստանցիների այցելությունների համար. այժմ ամեն օր արգելվում է մի քանի տասնյակ մարդու մուտքը։
«Ո՛չ մասնագիտությունը, ո՛չ Վրաստանում ապրելու փաստը, ո՛չ էլ բնակարանի վարձակալության պայմանագրի առկայությունը նշանակություն չունի։ Եթե չկա կեցության իրավունքի փաստաթուղթ, կեցության թույլտվություն, ապա ոչ մի այլ փաստաթուղթ Ռուսաստանի քաղաքացիների համար Վրաստան մուտքի երաշխիք չէ»,- ասել է Կուրոպտևը։
Տրապիզոնում Ռուսաստանի գլխավոր հյուպատոսությունը ևս հայտնել է Թուրքիայի կողմից Վրաստան մուտք գործելու «գրեթե ամենօրյա» մերժումների մասին։
Պատերազմի բռնկումից հետո Վրաստանը դարձել է ռուս միգրանտների ամենապահանջված երկրներից մեկը։ Այստեղ, ի թիվս այլոց, տեղափոխվել են մեծ թվով քաղաքական ակտիվիստներ և լրագրողներ։
Տաթև Ֆռանգյան
