10.03.2026 | 12:34
Ամերիկայի գավաթ. Լևոն Արոնյանը դուրս է եկել եզրափակիչ
Ցանկացած նման արարք պետք է ամենախիստ պատժին արժանանա, ես ինքս կնպաստեմ դրան. Միհրան Պողոսյանը՝ իր օգնականի ձերբակալության մասին. ՏԵՍԱՆՅՈՒԹ
Քաղաքականություն
23.05.2018 | 11:15
«Ցավում եմ, որ շատ մարդկանց շրջանում, ովքեր վերջին ժամանակները ձերբակալվել կամ հրավիրվել են համապատասխան մարմիններ, հայտնվել է նաև իմ օգնականը»,- այս մասին Ազգային ժողովում Factor.am-ի հարցին ի պատասխան ասաց ՀՀ ԱԺ ՀՀԿ պատգամավոր Միհրան Պողոսյանը՝ ընդգծելով, որ համապատասխան մարմիններից ակնկալում է անաչառություն։
Հարցին, թե արդյոք առանց իր իմացության իր օգնականը կարո՞ղ էր նման բան անել, Պողոսյանը նշեց՝ ճանաչելով իր օգնականին, հույս ունի, որ նա այնտեղ չի գտնվել և տեղի ունեցածը թյուրիմացություն է։
Հստակեցնող հարցին՝ վստա՞հ է, որ իր օգնականը՝ Անդրանիկ Իսոյանը, չի արել այն, ինչում կասկածվում է, ՀՀԿ-ական պատգամավորն արձագանքեց. «Ես երաշխավոր կարող եմ լինել միայն իմ համար։ Ես հորդորում եմ համապատասխան մարմիններին, որ իրենք անաչառ լինեն, որոշակի վենդետաներ և քայլեր, որոնք հիմնավորված չեն լինելու ու հետագայում պարզվելու են, որ դրանք հիմք չեն ունեցել, չանել։ Ի վերջո, ամեն ինչ պարզվելու է, ու մենք համապատասխան հիմքեր ենք ներկայացնելու, թե որտեղ է եղել այդ երիտասարդը։ Ես ոչ մի կասկած թույլ չեմ տալիս արտահայտելու և հրապարակային որևէ հայտարարություն անելու։ Հորդորում եմ բոլորիս սպասել 1-2 օր, և մենք կունենանք ավելի ինֆորմացիա ու կհասկանանք, թե ինչ է կատարվել»:
Հիշեցնենք՝ երեկ հայտնի դարձավ, որ Երևանի Կ.Ուլնեցի փողոցում տեղի ունեցած բռնությունների գործով մեկ անձ ձերբակալվել է: Ըստ մամուլի՝ այդ անձը Միհրան Պողոսյանի օգնականն է: Պատգամավորը ևս այդ տեղեկությունը հաստատեց:
Տեսանյութը՝ շուտով:
