16.07.2026 | 21:50
Կոնֆերենցիաների լիգա․ «Փյունիկը» դարձյալ հաղթեց «Մարսաշլոկին» ու դուրս եկավ որակավորման երկրորդ փուլ
ՔՊ-ական 3 պատգամավորների կողմից անձնական երաշխավորությունը չօգնեց. մեղադրյալ Ռոման Մովսիսյանի խափանման միջոցը չփոխվեց
Հասարակություն
06.09.2022 | 19:14
«Քաղաքացիական պայմանագիր» խմբակցության երեք պատգամավորների՝ Գագիկ Մելքոնյանի, Արմեն Խաչատրյանի և Սերգեյ Բագրատյանի կողմից անձնական երաշխավորությամբ խափանման միջոցի փոփոխման մասին միջնորդությունը մերժվեց: Կոտայքի մարզի ընդհանուր իրավասության դատարանը՝ դատավոր Գեղամ Մարգարյանի նախագահությամբ, որոշում կայացրեց մերժել սպանության մեղադրանքով 2 տարի կալանքի տակ գտնվող Ռոման Մովիսյանի խափանման միջոցի փոփոխման համար ներկայացած պատգամավորների անձնական երաշխավորությամբ միջնորդությունը: Այս մասին Factor.am-ի հետ զրույցում տեղեկացրեց պաշտպան Ռուբեն Բալոյանը: Փաստաբանը չկարողացավ դատարանի որոշման հիմքերը նշել, քանի որ որոշումը դեռևս չեն ստացել:
Հիշեցնենք՝ անձնական երաշխավորության ներկայացրած պատգամավորներից Գագիկ Մելքոնյանը Factor.am-ի հետ զրույցում ասել էր, որ ամբաստանյալն իր մտերիմ ընկերոջ որդին է, և այս պահի դրությամբ կարևոր է, որ Ռոմանն ազատության մեջ հայտնվի, քանի որ իր խնամքին 4 անչափահաս երեխաներ ունի.
«Թեև ես չեմ հավատում, որ Ռոմանը նման բան է արել, բայց ես չեմ ասում՝ մի դատեք, դատեք, թող ամեն ինչ օրենքի սահմաններում լինի, բայց 4 տարի է դատական գործընթացը գնում է: Սկզբի երկու տարին Ռոմանը եղել է ազատության մեջ, այդ ընթացքում որևէ ոչ պատշաճ կամ անօրինական արարք չի կատարել, թող մնար ազատության մեջ, իր երեխեքի կողքը, հետո, եթե մեղքն ապացուցվեր, թող 50-60 տարի տային: Թե չէ այսպես չի կարելի, հիմա, որ պարզի՝ անմեղ է, այս տարիների համար ո՞վ է պատասխան տալու»,- ասաց Մելքոնյանը:
Մյուս պատգամավորների հետ կապ հաստատել չէր հաջողվել:
Ռոզա Վարդանյան
