09.10.2026 | 13:26
Արթիկի նախկին մանկապարտեզի 2003-ի աճուրդը անվավեր է ճանաչվել․ համայնքին կվճարվի 12.4 մլն դրամ
Էներգակիրների գնի աճն ազդում է Թուրքիայի վրա․ Չավուշօղլու
Քաղաքականություն
06.09.2022 | 18:14
Էներգակիրների գների աճն ազդում է Թուրքիայի վրա։ ՌԻԱ Նովոստիի փոխանցմամբ՝ այս մասին հայտարարել է արտգործնախարար Մևլութ Չավուշօղլուն։
Նրա խոսքով՝ Ուկրաինայում հակամարտության շարունակությունը հանգեցրել է շատ լուրջ ճգնաժամերի, մասնավորապես՝ էներգետիկայի ու պարենային ոլորտում։
«Մենք չենք կարող անտարբեր լինել այս հարցում միայն այն պատճառով, որ Թուրքիայում իրավիճակն ավելի լավ է, քան Եվրոպայում կամ աշխարհի ցանկացած այլ տարածաշրջանում։ Իհարկե, էներգակիրների գները նույնպես ազդում են մեզ վրա։ Մասնավորապես, գազը և այլ ոլորտներում գները եռապատկվել կամ քառապատկվել են։ Արդյունքում սա աշխարհի խնդիրն է, և դրա լուծումը մեր ձեռքում է»,- ասել է Չավուշօղլուն։
Հիշեցնենք, որ Եվրահանձնաժողովի ղեկավար Ուրսուլա ֆոն դեր Լեյենն ավելի վաղ հայտարարել էր ռուսական գազի գնային շեմ սահմանելու անհրաժեշտության մասին։ Օգոստոսի վերջին նա նաև հայտարարեց, որ ԵՀ-ն աշխատում է գործառնական և երկարաժամկետ միջոցների վրա՝ բարելավելու իրավիճակը ԵՄ-ում էլեկտրաէներգիայի թանկացման ֆոնին, որը հիմնականում կախված է «կապույտ վառելիքի» արժեքից։
Տաթև Ֆռանգյան
