16.09.2026 | 13:40
ՔՊ վարչությունում քննարկվել է Հայկ Սարգսյանի հարցը. Հասմիկ Հակոբյան․ ՏԵՍԱՆՅՈՒԹ
Արցախում հերքել են տարածքներ հանձնելու լուրերը․ԱԺ-ում տարկետման նոր կարգ են քննարկել․ Լուրեր
05.09.2022 | 19:23
- Արցախի տեղեկատվական շտաբից հայտնել են, որ սոցիալական ցանցերում վերջին շրջանում լուրեր են շրջանառվում, թե իբրև ադրբեջանական կողմի հետ կա պայմանավորվածություն Ասկերանի շրջանի Իվանյան համայնքն ու Ստեփանակերտ քաղաքի Աջափնյակ թաղամասը «հանձնելու» մասին։ Շտաբից նշել են, որ Արցախի իշխանությունները Իվանյան համայնքի ու մայրաքաղաքի Աջափնյակ թաղամասի, և, առհասարակ, Արցախի Հանրապետության որևէ այլ բնակավայրի «հանձնելու» մասին որևէ բանակցություններ չեն տանում։
- ԱԺ պաշտպանության և անվտանգության հանձնաժողովում ներկայացվել է նախագիծ, որի ընդունման դեպքում ասպիրանտական ուսումը շարունակելու համար քաղաքացիներին զինծառայությունից տարկետում կտրվի մինչև 28 տարեկանը լրանալը։ Նույն նախագծով, հիշեցնենք, առտաջարկվում է տարկետում տալ նաև բնագիտական ուղղություններում սովորող ուսանողներին՝ կառավարության նշած մասնագիտությունների մասով։
- Իրանի Առևտրի խթանման կազմակերպության ղեկավար Ալիռեզա Փեյմանփակը հանդիպում է ունեցել Հայաստանի էկոնոմիկայի նախարարի տեղակալ Նարեկ Տերյանի հետ և հայտարարել է, որ Իրանի խոշորագույն ավտոարտադրողներից մեկը ծրագրում է Հայաստանում ավտոմեքենաների արտադրության գիծ գործարկել։
Այս ժամի լուրերը՝ տեսանյութում։
