08.06.2026 | 12:24
Հայաստանի ժողովուրդը քվեարկել է խաղաղության և կայունության համար․ Անտոնիո Կոշտան շնորհավորել է Փաշինյանին
Մոսկվայի դատարանը լրագրող Իվան Սաֆրոնովին դավաճանության մեղադրանքով դատապարտել է 22 տարվա ազատազրկման
Քաղաքականություն
05.09.2022 | 18:30
Մոսկվայի քաղաքային դատարանը պետական դավաճանության գործով լրագրող Իվան Սաֆրոնովին դատապարտել է 22 տարվա ազատազրկման՝ խիստ ռեժիմի գաղութում։ Այս մասին գրում է Euronews-ը։
«Դատապարտել Սաֆրոնովին 22 տարի ժամկետով ազատազրկման՝ խիստ ռեժիմով քրեակատարողական գաղութում կրելու համար»,- ասված է վճռում։
Սաֆրոնովը նաև տուգանվել է 500 հազար ռուբլով։
Պետական մեղադրող կողմը պահանջել է լրագրողին դատապարտել 24 տարվա ազատազրկման և կես միլիոն ռուբլու տուգանքի։
Իվան Սաֆրոնովը ձերբակալվել էր երկու տարի առաջ։ Լրագրողը մեղադրվում էր Չեխիայի և Գերմանիայի հետախուզական ծառայությունների գործակալներին գաղտնի տեղեկատվություն փոխանցելու համար։ Ըստ մեղադրող կողմի՝ փոխանցված փաստաթղթերը վերաբերել են ռուսական զենքի արտահանմանը և Սիրիայում ռուսական զորքերի գործողություններին։
Սաֆրոնովը չի ընդունել մեղքը՝ հայտարարելով, որ իրեն հետապնդում են իր լրագրողական գործունեության համար։ Նա երկու անգամ հրաժարվել է հետաքննության հետ գործարքից։
Տաթև Ֆռանգյան
