07.08.2026 | 18:26
573 վարույթ, այդ թվում՝ պետական դավաճանության և լրտեսության դեպքեր. ԱԱԾ-ի կիսամյակային հաշվետվությունը
Կատարվել է փոփոխություն հանրապետական սփռման մրցույթի սլոթերի քանակում
05.09.2022 | 17:03
Այսօր՝ սեպտեմբերի 5-ին, Հեռուստատեսության և ռադիոյի հանձնաժողովը գումարել է նիստ․ տեղեկացնում են ՀՌՀ-ից։
«Օրակարգում՝
Հեռուստատեսության և ռադիոյի հանձնաժողովի 2022 թվականի օգոստոսի 10-ի թիվ 114-Ա որոշման մեջ
փոփոխություն կատարելու վերաբերյալ հարցը:
Քննարկելով հարցը նշվեց, որ անհրաժեշտություն է առաջացել փոփոխություն կատարել
Հեռուստատեսության և ռադիոյի հանձնաժողովի 2022 թվականի օգոստոսի 10-ի «Հանրային մուլտիպլեքսում սլոթի օգտագործման լիցենզավորման հանրապետական սփռման մրցույթ հայտարարելու մասին» թիվ 114-Ա որոշման մեջ՝ որոշմամբ հաստատված տեղեկատվության 3-րդ կետում «5» թիվը փոխարինելով «4» թվով ( http://tvradio.am/wp-content/uploads/2022/09/117-22.pdf ):
Փոփոխության անհրաժեշտությունն առաջացել էր Հարկադիր կատարումն ապահովող ծառայության 2022
թվականի սեպտեմբերի 1-ի «Պարտապանին որոշակի գործողություններ կատարելուն պարտադրելու կամ որոշակի գործողությունների կատարումից ձեռնպահ մնալուն հարկադրելու մասին» որոշման և «Տեսալսողական մեդիայի մասին» օրենքի 32-րդ հոդվածի 7-րդ մասի, «Նորմատիվ իրավական ակտերի մասին» օրենքի 33-րդ հոդվածի, «Դատական ակտերի հարկադիր կատարման մասին» օրենքի 71-րդ հոդվածի դրույթների համաձայն»:
