25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Աֆղանստանում հուսով են, որ Քաբուլում տեղի ունեցած ահաբեկչությունը չի փչացնի ՌԴ-ի հետ հարաբերությունները
Քաղաքականություն
05.09.2022 | 17:41
Աֆղանստանի ԱԳՆ-ն հուսով է, որ Քաբուլում Ռուսաստանի դեսպանատան մոտ տեղի ունեցած ահաբեկչությունը բացասաբար չի ազդի Մոսկվայի հետ հարաբերությունների վրա։ Այս մասին ասել է «Թալիբան»-ի կառավարությունում ԱԳՆ խոսնակ Աբդուլ Քահար Բալխին, գրում է ՌԻԱ Նովոստին:
«Մենք սերտ հարաբերություններ ունենք Ռուսաստանի Դաշնության հետ, և թույլ չենք տա, որ թշնամիների նման գործողությունները բացասաբար ազդեն երկու երկրների հարաբերությունների վրա»,- գրել է Բալխին Twitter-ում։
Պայթյունը տեղի է ունեցել երկուշաբթի առավոտյան՝ Քաբուլում ՌԴ դեսպանատան հյուպատոսական բաժնի շենքի մոտ։ ՌԴ ԱԳՆ-ի տվյալներով՝ ահաբեկչության հետևանքով զոհվել է դիվանագիտական ներկայացուցչության երկու աշխատակից։ ՌԴ դեսպանատունը սերտ կապի մեջ է Աֆղանստանի անվտանգության ծառայությունների հետ, որոնք հետաքննում են պայթյունը, դիվանագիտական առաքելության անվտանգությունն ուժեղացվել է, հայտնել են նախարարությունից։
ՌԴ ԱԳ նախարար Սերգեյ Լավրովը հույս է հայտնել, որ հարձակման կազմակերպիչներն ու հեղինակները հնարավորինս շուտ կպատժվեն։
Տաթև Ֆռանգյան
