09.10.2026 | 21:27
ՀՀ-ն զգալի առաջընթաց է արձանագրել վիզաների ազատականացման ոլորտում․ ԵՄ գնահատման 2-րդ առաքելությունը ՀՀ-ում է
Մոսկվայի դատարանը չեղարկել է «Նովայա գազետա»-ի տպագիր տարբերակի լիցենզիան
Քաղաքականություն
05.09.2022 | 17:12
Մոսկվայի Բասմանի դատարանն անվավեր է ճանաչել և չեղարկել «Նովայա գազետա»-ի տպագիր տարբերակի լիցենզիան։ Այսօր՝ սեպտեմբերի 5-ին դատարանը բավարարել է «Ռոսկոմնադզոր»-ի համապատասխան պահանջը, գրում է DW-ի ռուսական ծառայությունը։
Ռուսական գերատեսչության հայցը հիմնավորվել է 2006 թվականին խմբագրության հիմնադրի փոփոխությամբ։ Միաժամանակ, «Նովայա գազետա»-ն կանոնադրությունը չի ներկայացրել «Ռոսկոմնադզոր»-ին, ինչպես պահանջում է «Զանգվածային լրատվության մասին» օրենքը։
Իր հերթին, հրատարակչության պաշտպանությունը նշել է, որ «Նովայա գազետա»-ն սկսել է հրատարակվել 2002 թվականին, իսկ չորս տարի անց խմբագրությունում աննշան փոփոխություններ են եղել, որոնք չեն պահանջում գրանցման համար նոր կանոնադրություն ներկայացնել:
«Նովայա գազետա»-ի գլխավոր խմբագիր Դմիտրի Մուրատովը Բասմանի դատարանի որոշումն «աննշան», «պատվերով» և «քաղաքական» է անվանել։
«Այն ոչ մի իրավական հիմք չունիև կբողոքարկվի»,- հայտարարել է նա։
Տաթև Ֆռանգյան
