08.06.2026 | 14:56
Մայա Սանդուն շնորհավորել է Նիկոլ Փաշինյանին ընտրություններում հաղթանակի առթիվ՝ «չնայած զանգվածային արտաքին միջամտությանը»
ԵՄ-ն կքննարկի էներգակիրների գների բարձրացման հետ կապված հրատապ միջոցները
Քաղաքականություն
05.09.2022 | 19:36
Սեպտեմբերի 9-ին ԵՄ անդամ պետությունների էներգետիկայի նախարարները կքննարկեն գազի գնի և էներգետիկ շուկայի մասնակիցների համար տրամադրվող վարկերի սահմանափակման հարցը, գրում է VOA-ն։
Նախարարները կհանդիպեն՝ քննարկելու բլոկի հրատապ գործողությունները՝ ի պատասխան գազի և էլեկտրաէներգիայի գների կտրուկ աճին՝ Ռուսաստանից գազի մատակարարումների կրճատումից հետո: Փաստաթղթում, որի հետ ծանոթացել է Reuters-ը, ասվում է, որ նախարարները կքննարկեն այնպիսի տարբերակներ, ինչպիսիք են ներմուծվող գազի գնի սահմանափակումը, էլեկտրաէներգիայի արտադրության համար օգտագործվող գազի գնի սահմանափակումը կամ գազով աշխատող էլեկտրակայանների ժամանակավոր բացառումը ԵՄ էլեկտրաէներգիայի գնագոյացման համակարգից:
Ֆինլանդիան և Շվեդիան կիրակի հայտարարել են էներգետիկ ընկերություններին միլիարդավոր դոլարների իրացվելիության երաշխիքներ տրամադրելու պլանների մասին:
Եվրահանձնաժողովի փաստաթուղթը կրկնում է անցյալ շաբաթ արված առաջարկները՝ կրճատել ամբողջ ԵՄ-ում էլեկտրաէներգիայի սպառումը և սահմանափակել այն ընկերությունների կողմից մատակարարվող էլեկտրաէներգիայի գինը, որոնք գազ չեն օգտագործում այն արտադրելու համար:
Տաթև Ֆռանգյան
