02.07.2026 | 11:57
Եթե ՌԴ-ն փակի իր շուկան ՀՀ-ի առաջ, ԵՄ-ն կբացի դուռը 450 միլիոնանոց շուկայով․ ֆոն դեր Լայեն․ ՏԵՍԱՆՅՈՒԹ
Ուկրաինան նշանակալի առաջընթացի է հասել հարավում և արևելքում հակահարձակման գործում․ ISW
Քաղաքականություն
05.09.2022 | 17:59
Պատերազմի ուսումնասիրման ամերիկյան ինստիտուտի (ISW) ամենօրյա վերլուծական զեկույցը նվիրված է ուկրաինական հակահարձակմանը հարավում և արևելքում, որը, ըստ փորձագետների, շարունակում է զարգանալ հարավում և արևելքում։ Այս մասին գրում է BBC-ի ռուսական ծառայությունը։
Նշվում է, որ ուկրաինական զորքերը Խերսոնի շրջանի արևելյան հատվածի մի շարք ուղղություններով առաջ են ընթանում և վերահսկողություն են հաստատել Դոնեցկի շրջանի Սևերսկի Դոնեցկ գետից այն կողմ ընկած տարածքի նկատմամբ։ Հակահարձակման տեմպը, հավանաբար, կտրուկ փոխվելու է օրեցօր, քանի որ ուկրաինական կողմի ջանքերն ուղղված են զրկելու ռուս զինվորականներին մատակարարումներից, խախտելու հրամանատարական շղթան և թուլացնելու ռազմական ոգին։
Փորձագետները կանխատեսում են, որ ժամանակ առ ժամանակ ռուս զինվորականները հարձակվելու և գրավելու են կորցրած դիրքերը։ Բացի այդ, նրանք ակնկալում են կատաղի հրետանային հարձակումներ ու օդային հարվածներ գրավված տարածքներում։ Փորձագետները նաև եզրակացնում են, որ ուկրաինացի զինվորականները նշանակալի առաջընթացի են հասել՝ ուշադրություն հրավիրելով ռուս ռազմական բլոգերների մեկնաբանությունների տոնայնության փոփոխությանը։
Ուկրաինայի նախագահ Վլադիմիր Զելենսկին էլ հայտարարել էր, որ սեպտեմբերի 4-ին ուկրաինացի զինվորականները ազատագրել են 2 անանուն բնակավայր երկրի հարավում և մեկը՝ Դոնեցկի շրջանում։
ՌԴ ՊՆ-ն այս հայտարարությունները չի մեկնաբանել։
Էմմա Չոբանյան
