05.11.2026 | 00:08
Ինչ է որոշել ընդդիմությունը. Նարեկ Կարապետյանը հանդիպումից հետո մանրամասներ հայտնեց. ՏԵՍԱՆՅՈՒԹ
Ստեփանակերտի քաղաքապետարանը հրավիրում է քննարկման
04.09.2022 | 15:37
Վերջին օրերին Արցախում հանրության շրջանում քննարկումների տեղիք է տվել Ստեփանակերտում թափառող շների դեմ պայքարի թեման:
Այս մասին նշված է Ստեփանակերտի քաղաքապետարանի տարածած հաղորդագրության մեջ: Նաև ասվում է, որ քաղաքապետարանը շահագրգիռ անձանց հրավիրում է քննարկման թափառող շների դեմ պայքարի հարցով:
«Հայտնում ենք այդ երևույթին հակադարձող մեր համաքաղաքացիներին, որ հատկապես պատերազմից հետո բազմիցս ահազանգեր ենք ստացել Ստեփանակերտի տարբեր հատվածների բնակիչներից առ այն, որ այս կամ այն բանուկ վայրերում թափառում են շներ, որոնք վտանգ են ներկայացնում բնակչության համար:
Հասկանում ենք նաև մեր կենդանասեր ընկերների մտահոգությունները:
Քաղաքային իշխանությունները բաց են խնդրո առարկայի շուրջ կառուցողական քննարկումների համար և բոլոր շահագրգիռ ու խնդրի կարգավորմանը նպաստելուն պատրաստ քաղաքացիներին սեպտեմբերի 5-ին, ժամը 15-ին հրավիրում ենք քաղաքապետի հետ հանդիպման»-ասված է հայտարարության մեջ:
