24.02.2026 | 23:18
ԵՄ-ն Ուկրաինային 90 մլրդ եվրո վարկ կտրամադրի՝ չնայած Հունգարիայի վետոյին
Մյանմարի պատոնանկ արված վարչապետը ևս 3 տարվա ազատազրկման է դատապարտվել
Քաղաքականություն
02.09.2022 | 20:40
Մյանմարում խունտայի կողմից վերահսկվող դատարանը դե ֆակտո պաշտոնանկ արված վարչապետ Աուն Սան Սու Չժիին դատապարտել է լրացուցիչ 3 տարվա ազատազրկման և հարկադիր աշխատանքի՝ 2020 թվականի ընտրությունները կեղծելու մեղադրանքով, հաղորդել են տեղական լրատվամիջոցները:
Նույն դատավճիռը կայացվել է տապալված քաղաքացիական կառավարության երկու բարձրաստիճան անդամների նկատմամբ, որոնք դատապարտվել են նրա հետ, գրում է DW-ի ռուսական ծառայությունը։
«Ազգային լիգա հանուն ժողովրդավարության» կուսակցության առաջնորդ ու Խաղաղության Նոբելյան մրցանակակիր 77-ամյա Սու Չժիի դատական գործընթացն ընթանում է փակ դռների հետևում։ Ավելի վաղ նա արդեն դատապարտվել էր 17 տարվա ազատազրկման այլ մեղադրանքներով, այդ թվում՝ կոռուպցիա, խռովության հրահրում ու համաճարակային սահմանափակումների խախտում։ Քաղաքական գործիչը հերքում է բոլոր մեղադրանքները՝ դրանք կեղծ անվանելով։ Եթե Սու Չժիին մեղավոր ճանաչեն բոլոր հոդվածներով, ապա նրան սպառնում է ցմահ ազատազրկում։
2021 թվականի փետրվարին Մյանմարում ռազմական հեղաշրջում է տեղի ունեցել։ Գեներալներն արդարացրել են պուտչը 2020 թվականի ընտրություններում ենթադրյալ խախտումների վերաբերյալ, որոնց արդյունքում Սու Չժիի կուսակցությունը հաղթել է մեծ տարբերությամբ։ Զինվորականներն այդ խախտումների վերաբերյալ ապացույցներ չեն ներկայացրել։
Տաթև Ֆռանգյան
