02.11.2024 | 10:07
ՀՀ տարածքում ավտոճանապարհներն անցանելի են
«Մեր նախկին իշխանավորները չորացրել են գյուղը, Եղեգիսն ու Այրիջան ցամաքելու վտանգի առաջ են»․ քաղաքացիներն ահազանգում են
Հասարակություն
22.05.2018 | 16:31
Եղեգիս և Այրիջա գետերը կանգնած են ցամաքելու վտանգի առաջ, այսօր լրագրողների հետ հանդիպմանը նման հայտարարություն արեց եղեգնաձորցի ֆերմեր Տիգրան Եղոյանը։ Նա գետերի ցամաքելու գլխավոր ու հիմնական պատճառը համարում է ՀԷԿ-երը․ «32 կիլոմետրի վրա շուրջ 10 գյուղեր ցամաքում են և արդյունքում ջուրը գալիս ու թափվում գնում էր Ադրբեջան և պաշտոնական տվյալներով Նախիջևանի մասին վկայում են, որ ավելացել են ցանքատարածությունները։
Մեր նախկին իշխանավորները չորացրել են գյուղը՝ ստեղծելով մի վիճակ, երբ մենք հարևան թշնամի պետության գյուղատնտեսությունն ենք հարստացնում»,- ասաց նա։
Բանախոսների պնդմամբ՝ ցամաք տարածքները գնալով ավելանում են, գետերից վերանում են ձկները, գյուղեր կանգնում են լուրջ խնդրի առջև։ Ֆերմերները լուրջ մտահոգություններ ունեն, որ ՀԷԿ-երի գործունեությունը կարող է կապված լինել կոռուպցիոն ռիսկերի հետ և պատկան մարմիններին կոչ են անում հետևողական լինել։
Բանախոսների պնդմամբ՝ նախկինում, երբ այս խնդիրների մասին բարձրայնել են, իրենց սպառնացել են, բայց հիմա իրենք չեն պատրաստվում լռել։ Նրանք ակնկալիքներ ունեն նոր կառավարությունից, կարծում են, որ նորանշանակ նախարարներն ուշադրության կենտրոնում կպահեն հարցը, և այն հնարավորիս կարճ ժամկետում լուծում կստանա։
Մանրամասները՝ տեսանյութում։
Լիլիթ Շաբոյան
