09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Մարդու իրավունքները համընդհանուր են և գործում են անկախ աշխարհագրությունից, դրոշներից ու սահմաններից․ ՀՀ ՄԻՊ-ը՝ ԱՀ ՄԻՊ-ին
Հասարակություն
02.09.2022 | 13:36
ՀՀ ՄԻՊ Քրիստիննե Գրիգորյանը Արցախի Հանրապետության Անկախության օրվա առթիվ շնորհավորական ուղերձ է հղել Արցախի Հանրապետության ՄԻՊ Գեղամ Ստեփանյանին․ տեղեկացնում են ՀՀ ՄԻՊ աշխատակազմից։
«Հարգելի պարոն Ստեփանյան,
Սիրելի գործընկեր,
Սրտանց շնորհավորում եմ Ձեզ և Արցախի ժողովրդին Արցախի Հանրապետության Անկախության օրվա առթիվ։ Այս օրը խորհրդանշում է իր իրավունքների և ազատությունների երաշխավորման համար Արցախի ժողովրդի պայքարի նշանակալից մի հանգրվանը, որին հաջորդում է սեփական հայրենիքում անձանց անվտանգ կյանքի ու արժանապատիվ գոյության, կրթության, սեփականության, տնտեսական, մշակութային և բոլոր այլ իրավունքների երաշխավորման ու ապահովման շարունակական մաքառման մեր ուղին։
Մարդու իրավունքները համընդհանուր են և գործում են անկախ աշխարհագրությունից, դրոշներից ու սահմաններից, անկախ ազգությունից, էթնիկ, ռասայական, կրոնական պատկանելիությունից կամ այլ հատկանիշներից։ Ահա այս արժեքների ու սկզբունքների վրա է խարսխված Արցախի Հանրապետության Մարդու իրավունքների պաշտպանի հաստատությունը։ Չափազանց կարևոր է անձամբ Ձեր առաքելությունը՝ միտված հակամարտության տևական չլուծման պայմաններում անձանց բոլոր իրավունքների և ազատությունների ապահովմանը։
Բարձր գնահատելով մեր երկու հաստատությունների առանձնաշնորհյալ հարաբերությունները՝ շնորհավորում եմ Արցախի Անկախության օրվա առթիվ և մաղթում խաղաղություն ու բարեկեցություն»։
