09.10.2026 | 16:19
Սպանության նախապատրաստության գործով 4 անձ է ձերբակալվել․ իրավապահները կանխել են հանցագործությունը
Աննախադեպ գնաճի պայմաններում Թուրքիայում 51 տոկոսով թանկացրել են էլեկտրաէներգիան և բնական գազը
Քաղաքականություն
01.09.2022 | 23:30
Թուրքիայի իշխանությունները էլեկտրաէներգիայի ու բնական գազի սակագներն այսօրվանից 51 տոկոսով բարձրացրել են, ինչն աննախադեպ գնաճից տուժած թուրքերի համար վերջին ֆինանսական հարվածն է, գրում են տեղական լրատվամիջոցները։
Էներգետիկ կարգավորիչի և BOTAŞ պետական ընկերության հայտարարությունների համաձայն՝ ամենաբարձր աճն արդյունաբերությունում է՝ կազմում է 50 տոկոս, մինչդեռ սովորական սպառողները բախվում են լրացուցիչ 20 տոկոս սակագնի աճի։
Հուլիսին Թուրքիայում գնաճը հասել է 79,6 տոկոսի, ինչն ամենաբարձր մակարդակն է վերջին գրեթե քառորդ դարում՝ դոլարի նկատմամբ լիրայի անկումից հետո։ Երկիրը ներմուծում է իր սպառած գրեթե ողջ բնական գազն ու նավթը: Գների բարձրացման հայտարարություններն էլ հնչում են այն ֆոնին, երբ Թուրքիայի վիճակագրական ինստիտուտը պատրաստվում է հրապարակել օգոստոսի գնաճի տվյալները։ Ակնկալվում է, որ աճը հասնելու է ավելի քան 80 տոկոսի։
Թուրքիան այս տարի արդեն 174 տոկոսով թանկացրել է բնական գազի գինը տնային տնտեսությունների համար։ Փոքր և միջին ձեռնարկությունների համար այն աճել է 277 տոկոսով, իսկ խոշոր արդյունաբերական ընկերությունների համար՝ 379 տոկոսով։ BOTAŞ-ը հայտնել է, որ պետությունը դեռևս սուբսիդավորում է բնական գազի գների ավելի քան 80 տոկոսը տնային տնտեսությունների համար:
Էմմա Չոբանյան
