24.05.2026 | 01:30
«SOAD-ը Երևանու՞մ». Սերժ Թանկյանը հայտարարել է՝ հուլիսին համերգ չի լինի
Պաշտպանը ծանոթացել է Խաչիկ համայնքի բնակիչների խնդիրներին
Հասարակություն
22.05.2018 | 13:16
Մայիսի 21-ին Մարդու իրավունքների պաշտպան Արման Թաթոյանն այցելել է Վայոց ձորի մարզի սահմանամերձ Խաչիկ համայնք: Բնակիչները բարձրաձայնել են համայնքում առկա 4-րդ կարգի վթարային տների, ջրամբարի բացակայության, խմելու ջրի հետ կապված և պետական մարմիններին առնչվող մի շարք մասնավոր հարցեր:
Պաշտպանը ծանոթացել է նաև համայնքի դպրոցի պայմաններին: Համայնքի ղեկավարն ու դպրոցի անձնակազմը վստահեցրել են, որ դպրոցի մասնաշենքի 2-րդ հարկում առաջիկայում բացվող կարի արտադրամասը բացասաբար չի անդրադառնա երեխաների կրթության իրավունքի վրա: Ավելին՝ բնակիչները շեշտել են այդ արտադրամասի շնորհիվ կանանց աշխատանքով ապահովելու կարևորությունը:
Մարդու իրավունքների պաշտպանի իրավասության սահմաններում կձեռնարկվեն անհրաժեշտ բոլոր միջոցները բնակիչների բարձրացրած խնդիրները լուծելու համար:
