Փաշինյան-Ալիև հանդիպումից դրական սպասելիքները զրո են, բացասական՝ ինչքան ասեք․ Թևան Պողոսյան․ ՏԵՍԱՆՅՈՒԹ

Բրյուսելում Հայաստանի և Ադրբեջանի ղեկավարների հանդիպման, այդ հանդիպումից սպասելիքների և հարակից թեմաների մասին Factor TV-ի տաղավարում զրուցել ենք քաղաքագետ Թևան Պողոսյանի հետ

-Պարո՛ն Պողոսյան, եթե հաշվի առնենք նախորդ հանդիպումների արդյունքները, այս հանդիպումից ի՞նչ սպասելիքներ պետք է լինեն։

-Դրական սպասելիքները՝ զրո, բազասական՝ ինչքան ասեք։

-Ինչո՞ւ։

-Որովհետև պարտված իշխանությունը կարող է միայն և միայն նոր պարտություններ բերել։

-Կա՞ ինչ-որ կետ, որտեղից պարտված իշխանությունը կարող է զրոյական վիճակի գալ։

-Հեռանալը՝ գիտակցված, ինքնուրույն, ինքնակամ, հասկանալով, միգուցե՝ ձևավորելով իրավիճակ, երբ իր խոսքի մեջ ասի՝ ես այսօր հեռանում եմ, խնդրում եմ՝ եկեք այս սենյակում մեծ սեղան դնենք, հրավիրենք քաղաքական բոլոր ուժերին, որ մեր հետ տանենք վատ ժառանգությունը, բարդ ժառանգությունը։ Որովհետև մենք չունենք այլ ռեսուրս՝ բացի եղած հայությունից։ Սա է մեր միակ հայկական ռեսուրսը, որ տիրապետում ենք այսօր, որը որևէ մեկից կախված չէ, միայն մեզանից է կախված։

Մենք չունենք հզոր զենքեր, պետք է գնանք մեկից ուզենք։ Չունենք հզոր, մեծ գումարներ, որ ասենք՝ մեզ մոտ տպագրում ենք կամ մերն է։ Չունենք գիտական այնպիսի նորություններ, որ աշխարհում նայեն, ասեն՝ վա՜յ, մենակ սրա համար Հայաստանին տիրություն ենք անում։ Չկա բնական պաշարը։ Չունենք ոչ մի այլ բան՝ բացի մեր միասնությունից։ Պետք է կարողանանք իրար մեջ ուժ գտնել, անել։ Դրա համար կա խնդիր՝ գործող իշխանությունները գիտակցված, ինքնակամ պետք է այդ որոշմանը գնան, որ նոր ու նոր պարտություններ չունենանք։

Հարցազրույցն ամբողջությամբ՝ տեսանյութում։

Գարիկ Հարությունյան