10.03.2026 | 12:25
Թրամփը հայտարարել է պատերազմը «շուտով» ավարտելու մասին // Փաշինյանը Ֆրանսիայում է․ ԼՈՒՐԵՐ
Նախարարությունը կարծրացած մարմին չէ. ԱԳՆ-ում սպասվո՞ւմ է դեսպանների փոփոխություն
Քաղաքականություն
22.05.2018 | 12:46
Հայաստանի ներքաղաքական իրողությունների հետևանքով Հայաստան-Եվրամիություն համապարփակ և ընդլայնված գործընկերության համաձայնագրի վավերացման ժամկետներում փոփոխություններ չեն լինի: Այսօր լրագրողների հետ հանդիպմանը տեղեկացրեց ՀՀ ԱԳՆ խոսնակ Տիգրան Բալայանը՝ հիշեցնելով, որ համաձայնագիրը Հայաստանի կողմից ամբողջությամբ վավերացվել է:
«Մենք նաև սպասում ենք ԵՄ անդամ երկրների խորհրդարանների կողմից դրա վավերացմանը, որպեսզի այդ շատ կարևոր գործիքի ամբողջական կիրարկումը սկսենք»,- նշեց Բալայանը:
Factor.am-ը արտաքին գործերի նախարարության մամուլի խոսնակից նաև հետաքրքրվեց՝ պատրաստվում է արդյոք նորանշանակ նախարարը վերանայել տարբեր երկրներում ոչ դիվանագետ, համապատասխան փորձառություն չունեցող դեսպանների և դիվանագիտական անձնակազմի նշանակման քաղաքականությունը, Բալայանը պատասխանեց. «Այդ առումով հղում կկատարեմ Նիկոլ Փաշինյանի ելույթին, երբ նա ԱԺ-ում ասաց՝ այդ տենդենցը պետք է վերանայվի: Նախարարությունը կարծրացած մարմին չէ, և փոփոխությունները մշտական բնույթ են կրում: Նախարարությունում փոփոխություններ հաճախ են կատարվում և այս կոնտեքստում պետք է նայել նաև հետագա փոփոխությունները»:
Բալայանն անդրադարձավ նաև վարչապետ Փաշինյանի հայտարարությանը, որ Հայաստանը հակամարտության կողմ է: «Կխուսափեմ ներաքաղաքական մեկնաբանություններին կամ ներքաղաքական արձագանքներին մաս կազմելուց»,- ասաց Բալայանը՝ նկատելով, որ չի ցանկանում խոսել Հայաստանի՝ հակամարտության կողմ լինել-չլինելու մասին:
