13.03.2026 | 17:20
Բոլոր սցենարները հաշվարկված են․ Ալեքսան Ալեքսանյանը՝ ԱՀԾ-ի և ՔԿ-ի հայտարարությունների մասին․ ՏԵՍԱՆՅՈՒԹ
Էրեբունու ոստիկանները բնակարանային գողություն են բացահայտել
Հասարակություն
30.08.2022 | 16:04
Օգոստոսի 6-ին, ժամը 19.15-ին, ոստիկանություն զանգած քաղաքացին հայտնել էր, որ ժամը 17-ի սահմաններում ինչ-որ մեկը մտել է Երևանի Բուռնազյան փողոցի տներից մեկը և հափշտակել բջջային հեռախոս ու 120 000 դրամ գումար․ տեղեկացնում են ՀՀ ոստիկանությունից։
Ոստիկանության Էրեբունու բաժնի քրեական հետախույզների և Էրեբունու բաժնի քննիչների համատեղ ձեռնարկած միջոցառումների արդյունքում պարզվեց, որ բնակարանային գողությունն արել է նույն փողոցի 27-ամյա մի բնակիչ։
27-ամյա երիտասարդը մայրաքաղաքի Տիգրան Մեծի պողոտայում ձերբակալվեց և բերվեց ոստիկանություն։ Նրա անձնական խուզարկությամբ հայտնաբերվեց գողացած բջջային հեռախոսի մոդելի մաս։
Ձերբակալվելուց երկու օր անց ոստիկանների և քննիչների բացատրական աշխատանքի արդյունքում երիտասարդը ներկայացրեց գողացված հեռախոսը, որը, պարզվում է, հեռախոսների վաճառակետում փորձել էր վաճառել:
Փաստի առթիվ նախաձեռնվել է քրեական վարույթ։
