17.01.2026 | 10:06
ՀՀ տարածքում կան փակ ավտոճանապարհներ
Ռուսաստանը Իրանից ԱԹՍ-ներ է ստացել, բայց որոշ սարքեր «պիտանի չեն եղել»․ WP
Քաղաքականություն
30.08.2022 | 12:52
Օգոստոսի 29-ին Իրանը Ռուսաստան է ուղարկել անօդաչու թռչող սարքերի առաջին խմբաքանակը, գրում է DW-ի ռուսական ծառայությունը՝ հղում անելով The Washington Post (WP) ամերիկյան հրատարակությունը։
Խոսքն առնվազն երկու տեսակի մարտական անօդաչու թռչող սարքերի մասին է՝ Mohajer-6 և Shahed, որոնք նախատեսված են ռադարային համակարգերի, հրետանային կայանքների և այլ ռազմական օբյեկտների վրա հարձակումների համար։ Այդուհանդերձ, հրատարակության համաձայն՝ ԱՄՆ հետախուզությանը մոտ կանգնած աղբյուրները հայտնել են, որ Ռուսաստանը բազմաթիվ ձախողումների է հանդիպել ԱԹՍ-ների շահագործման ժամանակ։
Ըստ աղբյուրի՝ ռուս զինվորականներն առաջին փորձարկումներից հետո «դժգոհ են մնացել», քանի որ իրանական որոշ անօդաչու թռչող սարքեր «պիտանի չեն եղել»։ Միաժամանակ ԱՄՆ-ը կարծում է, որ Մոսկվան մտադիր է հարյուրավոր նման անօդաչու թռչող սարքեր գնել Թեհրանից։
Ռուսաստանը Իրանը համարում է զենքի պոտենցիալ մատակարար, որը կարող է նաև կիսել պատժամիջոցների շրջանցման և սահմանափակումների ներքո նավթ արտահանելու հարցում փորձը:
Տաթև Ֆռանգյան
