Քաղաքականություն
29.08.2022 | 17:32
Գերմանիայի էկոնոմիկայի նախարար Ռոբերտ Հաբեկը հայտարարել է, որ Գերմանիայի գազի պահեստարաններն ավելի արագ են լցվում, քան նախատեսված էր՝ չնայած Ռուսաստանից գազի մատակարարումների կրճատմանը, գրում է BBC-ի ռուսական ծառայությունը։
Նա հայտարարել է, որ սեպտեմբերի սկզբին Գերմանիան կկարողանա հասնել հոկտեմբերի համար նախատեսված 85 տոկոս մատակարարման նպատակին: Այժմ գազի պահեստարանները լցված են 82 տոկոսով։ Դրան հաջողվել է հասնել նախ ամռանը գազի սպառման կրճատմամբ, ինչպես նաև այլ մատակարարներից գազի գնման ծավալների ավելացմամբ։
ԵՄ դիրեկտիվը նախատեսում է մինչև նոյեմբեր Գերմանիայում գազի պահեստարանները 95 տոկոսով լցնելու անհրաժեշտությունը։
Տաթև Ֆռանգյան
